Converxencia teunolóxica
La converxencia teunolóxica ye l'enclín de distintos sistemes teunolóxicos na evolución escontra la realización de xeres similares.
Converxencia puede faer referencia a teunoloxíes primeramente dixebraes como la voz datos (y aplicaciones de productividá) qu'agora comparten recursos y interactúan ente sigo sinérgicamente, creando nueves posibilidaes.
Anguaño tamos arrodiaos per un mundu multimedia converxente en munchos niveles, con nodos de comunicación ya información de cutio afaciéndose pa satisfaer a demandes creaes pola mesma teunoloxía y camudando la forma de crear, consumir, aprender a crear una con otres.
La converxencia defínese como la interconexón de teunoloxíes de la computación ya información, conteníu multimedia y redes de comunicaciones que llegaron como resultáu de la evolución y popularización d'internet, tanto como d'actividaes, productos y servicios que remanecieron dende l'espaciu dixital.
Munchos espertos ven tou eso como la punta del iceber, una y bones toles facetes de la vida social o institucional como negocios, gobiernu, arte, periodismu, salú o educación traen consigo una medría de los espacios dixitales al traviés de redes crecientes de dispositivos TICs.
La base de la converxencia teunolóxica tal que se plantega, topeta con una sociedá na que prima'l consumismu como espresión del ser humanu. Por ello, y magar que pueda apreciase la conversión de dispositivos teunolóxicos (celulares, smartphones, readers, tabletas...), la so producción nun se vio amenorgada, sinón tou lo contrario, yá que respuende a la premisa consumista imperante.
Ver tamién[editar | editar la fonte]
Referencies[editar | editar la fonte]
Enllaces esternos[editar | editar la fonte]
