Gaudenciu de Brescia

Gaudenciu de Brescia
obispu	;
obispu
Vida
Nacimientu	Brescia, 327 (greg.)
Nacionalidá	Antigua Roma
Muerte	410 (82/83 años)
Estudios
Llingües falaes	Llatín medieval
Oficiu	sacerdote, escritor, obispu católicu
Santoral
	25 d'ochobre
Creencies
Relixón	Ilesia Católica

Gaudencio (327 ^(greg.), Brescia – 410) foi un obispu de Brescia, consideráu santu pola Ilesia católica. Vivió a finales del sieglu IV, ignorándose la historia de los sos primeros años. Sábese que dempués de la muerte del obispu Filastro, asocedida nel añu 387, foi escoyíu obispu de Brescia y qu'anque de primeres nun quixo aceptar el nomamientu, viose obligáu a ello pol ciñu del pueblu y l'insistencia de los obispos de la provincia ente los cualos figuraba san Ambrosio. San Gaudencio caltuvo una gran amistá col obispu de Milán y foi unu de los llatinos unviaos a Constantinopla nos años 404 y 405 pa interceder a favor de san Crisóstomo mientres la persecución.

Obra[editar | editar la fonte]

San Gaudencio ocupa un llugar relevante na hestoria de l'antigua lliteratura cristiana poles munches obres que d'él se caltienen. Débense-y principalmente les noticies que nos queden de Filastro, conseñaes nun discursu so sobre la vida y escritos d'esti preláu y que suel titulase Liber de vita sancti Philatrii. Caltiénense tamién diez sermones y dalgunes homilíes sobre distintos pasaxes de la Biblia, ente otres les que pronunció'l día de la so consagración, bien interesantes pa la hestoria de la so vida.

Estilu[editar | editar la fonte]

Dupin diz d'él nel so Nouvelle bibliothèque que'l so estilu ye senciellu pero desdexáu, les sos alegoríes violentes, los sos sermones secos, estilu bien pocu curiosu y superficial. Pero sicasí, Pablo Galearti afirma que'l so estilu, anque senciellu, ye elegante, fácil y amenu.

Obres apócrifes[editar | editar la fonte]

Col nome de san Gaudencio, atópense dellos opúsculos que, sicasí, considérense apócrifos como:

Poema de San Filastro
Comentarios del sieglu llamáu Anastasiano
De la regularidá de los clérigos

Notes[editar | editar la fonte]

El conteníu d'esti artículu incorpora material del Diccionariu Enciclopédicu Hispanu-Americanu del añu 1892, que s'atopa nel dominiu públicu

Referencies[editar | editar la fonte]

↑ Afirmao en: Mirabile: Digital Archives for Medieval Culture. Llingua de la obra o nome: italianu. Editorial: SISMEL – Edizioni del Galluzzo.

Enllaces esternos[editar | editar la fonte]

[7866baa1d2a4db2b7f60b6a8170ce8b8f1a580e9-1] Afirmao en: Mirabile: Digital Archives for Medieval Culture. Llingua de la obra o nome: italianu. Editorial: SISMEL – Edizioni del Galluzzo.

[1]