José Fernando Abascal y Sousa

De Wikipedia
José Fernando Abascal y Sousa
virréi del Perú

1806 - 1816
Vida
Nacimientu Uviéu[1], 3 de xunu de 1743[2]
Nacionalidá España
Muerte Madrid[1], 30 de xunu de 1821[1] (78 años)
Estudios
Llingües falaes castellanu[3]
Oficiu oficial, políticu
Serviciu militar
Cuerpu militar Exércitu de Tierra d'España
Graduación Capitán General del Ejército (es) Traducir
Creencies
Relixón catolicismu
Cambiar los datos en Wikidata

José Fernando de Abascal y Sousa (3 de xunu de 1743, Uviéu – calendario no especificado, se presume gregoriano (es) Traducir 30 de xunu de 1821, Madrid), foi un noble, militar y políticu español. Foi mariscal de campu, ocupó'l cargu de virréi de Perú (1806-1816) y recibió del rei el títulu de marqués de la Concordia Española de Perú.

Nacíu de familia noble, estudió matemátiques na so ciudá natal, y desarrolló dempués so carrera política en Mallorca, L'Habana y Nueva España. Participó na ocupación de la colonia del Sacramento, y en 1799 foi nombráu comandante xeneral ya intendente de Nueva Galicia (Méxicu). En 1804 encomendóse-y el virreinatu del Río de la Plata y, dempués, virréi de Perú. Nun consiguió aportar a Lima pa ocupar el cargu hasta agostu de 1806, porque nel intre tuvo prisioneru de los ingleses. Desde'l so cargu de virréi entamó un importante plan de reformes pa intentar evitar el desarrollu de tendencies secesionistes, al tiempu que reprimió con fuercia cualesquier intentu de rebelión. Al españar la revolución na América española, en 1810, convirtió a Perú nel centru de la reacción española. Pa ello ocupó militarmente l'Altu Perú (anguaño Bolivia) y acabó cola rebelión en Chile y en Quitu, incorporando esa audiencia al virreinatu peruanu. Sofocó tamién con violencia los intentos de revolución nel territoriu peruanu, detuvo los avances de la revolución arxentina nel Altu Perú y reorganizó l'exércitu que taba a les sos órdenes. En 1816 pidió ser releváu del cargu, suxiriendo que Joaquín de la Pezuela fora designáu socesor suyu. A la vuelta a España foi nombráu capitán xeneral. Morrió en Madrid el 31 de xunetu de 1821.

Bibliografía[editar | editar la fonte]

  • "Abascal y Sousa, José Fernando", na Gran Enciclopedia Asturiana, tomo I, p. 5. Xixón, Silverio Cañada Editor, 1981.

Referencies[editar | editar la fonte]

  1. ↑ 1,0 1,1 1,2 valor desconocíu (1835). «Q27475027» (en rusu). Encyclopedic Lexicon. Volume I, 1835. 
  2. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
  3. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.

Enllaces esternos[editar | editar la fonte]

Sacáu de «https://ast.wikipedia.org/w/index.php?title=José_Fernando_Abascal_y_Sousa&oldid=4011601»