Odo de Cheriton
Odo de Cheriton | |
|---|---|
| Vida | |
| Nacimientu | Kent, 1180 (greg.)[1] |
| Nacionalidá |
 Reinu d'Inglaterra |
| Muerte | 1246 (greg.)[1] (65/66 años) |
| Estudios | |
| Llingües falaes |
Llatín medieval Inglés mediu |
| Oficiu | fabulista, escritor, flaire, predicador |
 | |
Odón o Odo de Cheriton o Sherington (c .1185 - 1247), predicador, teólogu católicu y poeta autor d'una famosa coleición de fábules.
Visitó París, y foi probablemente ellí onde llogró'l grau de Maestru en Teoloxía. Yera fíu de Guillermo de Cheriton, señor de la casa de Delce en Rochester. Al igual que Jacques de Vitry, introdució llibremente exempla nos sos sermones qu'axuntó nuna coleición, la so obra más conocida, Fabulae. Munches son adautaciones de materiales yá conocíos y denuncien los vicios prevalecientes na sociedá d'entós, cuantimás la hipocresía de los clérigos y llaicos. De los sos setenta y cinco fábules, venti y seis provienen del corpus esópico y otres tán tomaes de los escritores romanos Séneca, Ovidiu y Juvenal, del hispanojudío Pedro Alfonso, Jacques de Vitry y Esteban de Borbón, de la Biblia y de cuentos populares ingleses. Testimoniu de la so popularidá son los numberosos manuscritos que subsistieron de la obra, que foi impresa por Léopold Hervieux (Fabulistes llatinos, IV, 173-255); caltiénse una versión francesa del sieglu XIII y otra en galés del XIV, según una adautación española, el llamáu Llibru de los gatos. Esisten tamién dellos sermones y trataos: Tractatus de Penitentia, Tractatus de Passione y Sermones de Sanctis.
Referencies[editar | editar la fonte]
- ↑ 1,0 1,1 Afirmao en: Gemeinsame Normdatei. Data de consulta: 28 marzu 2015. Llingua de la obra o nome: alemán. Autor: Biblioteca Nacional d'Alemaña.
