James Cook

Editar los enllaces
De Wikipedia
James Cook
Vida
Nacimientu Maratona (es) Traducir[1], 27 d'ochobre de 1728[2]
Nacionalidá Reinu de Gran Bretaña [3]
Llingua materna inglés
Muerte bahía de Kealakekua (es) Traducir[4], 14 de febreru de 1779[5] (50 años)
Causa de la muerte firida por pinchatu
Familia
Madre Grace Pace
Casáu con Elizabeth Cook (es) Traducir (1762 – )[6]
Fíos/es
Estudios
Llingües falaes inglés[8]
francés
Oficiu esplorador, cartógrafu, oficial naval, marín, botánicu
Premios
Miembru de Royal Society
Serviciu militar
Cuerpu militar Royal Navy
Graduación capitán
Abreviatura en botánica Cook (IPNI)
Cambiar los datos en Wikidata

James Cook (27 d'ochobre de 1728, Maratona (es) Traducir – 14 de febreru de 1779, bahía de Kealakekua (es) Traducir)foi un esplorador británicu.

Fiu d'un inmigrante escocés ocupau en llabores rurales, asistió a la escuela hasta los doce años. Mas tarde, obtuvo trabayu como aprendiz nuna empresa naviera, y asina pusose en contauto cola mar y los barcos, que sería a la postre la so gran pasión. Les sos habilidades pa col oficiu nel duru Mar del Norte valieron-y pa que con 27 años ofreciera-y el mandu d'un barcu. Poro'l xoven Cook decidió ingresar como voluntariu n'Armada Real, onde fizo una brillante carrera.

Foi cartógrafu na costa del Atlánticu Norte, y en 1768 llevó a cabo'l primer de los sos tres grandes viaxes d'exploración: al mandu la nave "Endeavour", tresportó un grupu d'astrónomos y al botánicu Joseph Banks a la islla de Tahití. Dende ellí siguió hasta Nueva Zelanda, onde cartografió un mapa de la costa tan precisu que durante casi un sieglu dempués siguío utilizándose. Asina mesmo, comprobó que Nueva Zelanda nun formaba parte duna estructura continental mayor (como dalgunos sosteníen entoncenes), circunnavegándola per completo. Cruzó tamién l'estrechu que separta les dos islles mayores y que lleven güei el so nome. Llueu pasó a la costa oriental d'Australia, que cartografió y bautizó como Nueva Gales del Sur, amás de izar la bandera británica nesti territoriu.

Enantes de regresar, navegó asina mesmo pente les islles de Java y Sumatra y demostró asina que yeren dos bloques de tierra separtaos. Un fechu de suma importancia nesti viaxe foi que nengún home de la so tripulación morrió d'escorbutu, afeición qu'había diezmao munches expediciones marítimes en dómines anteriores. Esto debióse na especial preocupación de Cook por ameyorar les condiciones d'hixiene y la dieta los sos subordinaos durante el viaxe, na que incluyó los cítricos como preventivos de la enfermedá, según un descubrimientu del médicu inglés Lind.

Una vegada en Inglaterra, foi ascendíu a comandante y presentau al rei Xurde III. En 1772, partió al mandu la nave "Resolution" a la gueta de la Terra Australis, pensandose per entoncenes que Australia yera sólo una parte. Secundáu per otru barco, el "Adventure". Navegó rumbo sur hasta L'Antártida y el 16 de xineru de 1773 consiguió atravesar el círculo antárticu. Llueu llegó a les islles que güei lleven el so nome (denomindoles Hervey), un añu dempués algamó les islles Vanuatu, les Marqueses y la islla de Pascua. De regresu, descubrió les islles Sandwich del Sur y les Xeorxa del Sur.

Esta expedición demostró que nun existía tal continente austral, sino la masa de xielu antárticu. Al so regresu recibió un nuevu ascensu y foi condecoráu cola medaya Copley y nomau miembru de la Royal Society. Nel so tercer gran viaxe, en xunetu de 1776, nuevamente al frente el buque "Resolution", foi a la gueta d'un pasu pente los océanos Atlánticu y Pacíficu pel noroeste.

Nel so camin alcontró un conxunto de islles nueves pertenecientes al grupu les Sandwich, güei nomaes Hawai. Nun tuvo ésitu nel so oxetivu orixinal de alcontrar aquella comunicación, poro cartografió la costa occidental d'Alaska y presentó un informe precisu sobre gran parte de la hidrografía americana con desembocadura nel Atlánticu.

Llegó fasta'l estrechu de Bering, poro debío de retroceder a causa'l xielu. Nel viaxe de regresu a Inglaterra, la expedición fondeó de nuevu nes islles Sandwich, onde debió permanecer más tiempu del previstu a causa de dificultaes climátiques que facíen imposible la navegación. Esto xeneró tensiones colos indíxenes del llugar a causa de la escasez de provisiones, y, llueu delles reyertes, Cook mató a un nativu, poro foi apuñalado mortalmente por esti.

A pesar de que pasare gran parte de la so vida nel mar, tuvo ocasión de formar una familia; a la edá de trenta y cuatro años casóse con Elizabeth Batts, matrimoniu del que nacieren seis fios, la mitá de los cuales morrieron na infancia. De los tres fios restantes, dos fueron marinos.

Referencies[editar | editar la fonte]

  1. ↑ URL de la referencia: http://www.bbc.co.uk/history/domesday/dblock/GB-448000-513000/page/7. Data de consulta: 3 agostu 2015.
  2. ↑ Apaez como: (Marton 1728 - Hawaï 1779). Data de consulta: 16 xineru 2020. Afirmao en: NMVW-collection website. Identificador NMVW: 25107.
  3. ↑ URL de la referencia: http://www.christies.com/lotfinder/books-manuscripts/captain-james-cook-and-captain-james-5605392-details.aspx.
  4. ↑ URL de la referencia: http://www.amazon.com/The-Fatal-Voyage-Captain-Journey/dp/156656610X.
  5. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
  6. ↑ Identificador de persona en The Peerage: p63372.htm#i633714. Data de consulta: 7 agostu 2020.
  7. ↑ 7,0 7,1 7,2 7,3 7,4 7,5 Afirmao en: The Peerage. Llingua de la obra o nome: inglés. Autor: Darryl Lundy.
  8. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
  9. ↑ «Award winners : Copley Medal» (inglés). Royal Society. Consultáu'l 30 avientu 2018.

Enllaces esternos[editar | editar la fonte]

Sacáu de «https://ast.wikipedia.org/w/index.php?title=James_Cook&oldid=4071328»