Catherine Lepère

De Wikipedia
Catherine Lepère
Vida
Nacimientu 1601
Muerte 1679 (77/78 años)
Causa de la muerte aforcamientu
Oficiu matrona
Cambiar los datos en Wikidata

Catherine Lepère (1601 – 1679) foi una partera francesa. Foi acomuñada de La Voisin y una de los acusaos nel conocíu como asuntu de los venenos.

Biografía[editar | editar la fonte]

Lepère yera una partera qu'exerció la práutica d'albuertos a veceros encamentaos por La Voisin, a quien apurriera los sos propios fíos.

Foi arrestada en 1678, al igual que munchos otros asociaos de La Voisin, en siendo señalada por Marie Bosse. Lepère almitió prauticar albuertos, illegales entós daquella, argumentando que gracies a la so actividá evitara munchos escándalos ente les clases altes, afirmando amás que con ello fixera un serviciu a la comunidá. Lepère recibía a los sos veceros por aciu de La Voisin, quien a cambéu llograba la mayor parte de los beneficios. Marie Bosse afirmó que los fetos que fueren oxetu d'albuertu n'embaranzos de xestación avanzada fueren quemaos nun fornu en casa de La Voisin, siendo los restos soterraos darréu nel xardín. Sicasí, por cuenta de que Lluis XIV dio la orde de que la práutica d'albuertos de La Voisin nun fora investigada, esta parte del so negociu resulta desconocida, nun pudiendo probase les afirmaciones arramaes por Marie Bosse al nun ser investigaes.

Lepère foi condergada a muerte el 11 d'agostu de 1679. Foi sentenciada tamién a ser torturada, magar por cuenta de la so avanzada edá, namái foi suxetada al dispositivu de tortura ensin qu'ésti aportara a utilizáu, pos esistía'l riesgu de que pudiera morrer mientres yera torturada. Foi executada na forca.

Bibliografía[editar | editar la fonte]

  • Anne Somerset - The Affair of the Poisons: Murder, Infanticide, and Satanism at the Court of Louis XIV (St. Martin's Press (12 d'ochobre de 2003) ISBN 0-312-33017-0).
  • Holly Tucker (2017) - City of Light, City of Poison: Murder, Magic, and the First Police Chief of Paris. W. W. Norton & Company.

Referencies[editar | editar la fonte]

Enllaces esternos[editar | editar la fonte]