Pepe Domingo Castaño

De Wikipedia
Pepe Domingo Castaño
Vida
Nacimientu Lestrobe, 8 d'ochobre de 1942
Nacionalidá España
Residencia Lestrobe
Padrón
Madrid
Grupu étnicu Raza mediterranea (es) Traducir
Llingua materna castellanu
gallegu
Muerte Madrid, 17 de setiembre de 2023 (80 años)
Causa de la muerte síndrome de disfunción multiorgánica (es) Traducir
Familia
Padre Antonio
Madre Rosa
Casáu con María Luisa Seco (1969 – div. 1981)
María Teresa Vega (1985 – m. 2023)[1]
Fíos/es
Familia
Estudios
Llingües falaes castellanu
gallegu
Oficiu presentador de televisión, cantante, escritor, llocutor
Altor 173 cm
Emplegadores Grupo Prisa (es) Traducir  (1964, 1973 –  1966, 2010)
RTVE  (1967 –  1982)
Mediaset España  (1995 –  1995)
Ábside Media (es) Traducir  (2010 –  2023)
Premios
Xéneru artísticu poesía
Instrumentu musical voz
IMDb nm0144533
Cambiar los datos en Wikidata

José Domingo Castaño Solar (8 d'ochobre de 1942, Lestrobe – 17 de setiembre de 2023, Madrid)[2][3], más conocido como Pepe Domingo Castaño, foi un presentador de radio y televisión, cantante y escritor gallegu.

Trabayaba como presentador y animador del programa Tiempo de juego de la Cadena COPE, programa pol que fichó n'abandonando en 2010 el Carrusel deportivo de la Cadena SER, en donde trabayó dende 1988[4] Tamién dirixó El gran musical de la Cadena SER y el programa de televisión 300 millones, emitíu por TVE.

Recibió cuatro premios Ondas en reconocencia a la so carrera y la so aportación al mundu de la comunicación; el «Premiu Nacional a les Artes y les Ciencies aplicaes al deporte» de 2011;[5] y el «Premiu Joaquín Prat de Radio» dau pola Academia Española de la Radio.

Biografía[editar | editar la fonte]

Castaño empezó con 18 años la so trayectoria profesional, al ser contratáu en 1964 en Radio Galicia, emisora de Santiago de Compostela afiliada a la rede de la Cadena SER. Esti puestu compaxinólo con un trabayu como contable nuna empresa de Padrón, ciudá que tiempu dempués nomaríalu «fíu adoptivu».[6] N'avientu de 1966 colaría de la so ciudá pa ganase la vida en Madrid como artista.[7]

El so trabayu radiofónicu llamó l'atención de la Rede d'Emisores del Movimientu, que lu contrató pa trabayar na principal emisora del grupu, La Voz de Madrid. Ellí desenvolvió el so primer programa musical, conocíu como Club musical. Dos años dempués fichó por Radio Centro, onde consiguió facese popular a nivel nacional gracies a Discoparada. Al mesmu tiempu, empezó la so carrera musical en grupos como Los Ibéricos y los Blue Sky, pa dempués cantar en solitariu.[7] En 1968 foi contratáu por Televisión Española pa presentar Biblioteca joven. Ellí conoció a la tamién presentadora María Luisa Seco, con quien tuvo casáu dende 1969 hasta 1981.[8] Cuando l'espaciu foi retiráu, Pepe Domingo siguió en nómina presentando programes xuveniles como A todo ritmo (1971) y Voces a 45 (1975), colos que se consagró como presentador de programes musicales.[7]

La Cadena SER volvió contratalu en 1973, nesta ocasión pa tola rede nacional, como presentador de programes xuveniles y musicales como Voces a 45, Viva la radio y Sintonía sobre ruedas. Sicasí, el so trabayu más reconocíu hasta la fecha foi como presentador de El gran musical, que-y supunxo'l so primer premio Ondas en 1975.[9] La so carrera como cantante solista tamién desapegó gracies a les sos actuaciones n'España ya Hispanoamérica. El 15 de febreru de 1975 foi númberu 1 del programa Los 40 Principales con «Neniña (viste pantalón vaquero)», y en 1979 foi Discu d'Oru en Méxicu conMotivos.[7]

Dempués, presentó en TVE'l programa 300 millones dende 1979 hasta 1983, cuando se retiró d'esti mediu hasta un curtiu regresu en 1995 col programa Número 1 (Telecinco). José Domingo siguió na Cadena SER con distintos programes como Aquí la SER, y tamién na retresmisión d'acontecimientos deportivos como la Vuelta ciclista a España y el Tour de Francia . En 1988 llegó a Carrusel deportivo que presentó primero con Antonio Martín Valbuena y llueu 18 años con Paco González, onde comentó l'actualidá deportiva y cantó los anuncios publicitarios del programa.[7] En 2010 abandonó Carrusel deportivo en desalcuerdo col despidu de Paco González, a quien acompañó cuando foi contratáu pola Cadena COPE esi mesmu añu.

En 2006 publicó Carrusel deportivo: Diario de un año, un llibru que fala de los meyores momentos del programa deportivu, y dos años dempués publicó'l so llibru de poemes Debajo de la parra.[10]

Xunto a Javier Lalaguna, punxo voz a los xuegos d'EA Sports 2006 FIFA World Cup, UEFA Champions League 06/07, EURO 2008 y 2010 FIFA World Cup.

Vida personal[editar | editar la fonte]

Tuvo casáu dende 1985 cola ex-modelu María Teresa Vega, cola que tuvo dos fíos.[11] Ye tíu de l'actriz Cristina Castaño y l'actor Nacho Castaño.[12][13]

El 14 de mayu de 2020 esplicó que superara la COVID-19.[14]

En 2022 publicó otru llibru tituláu Hasta que se me acaben las palabras...

Falleció nel Hospital Universitariu La Zarzuela de Madrid na madrugada del 17 de setiembre de 2023, a los 80 años, víctima d'una septicemia producida por entueyos tres una infección de gargüelu.[15][16]

Premios y condecoraciones[editar | editar la fonte]

  • Cuatro Premios Ondas (1975, 1996, 2002 y 2005)
  • Dos Antena d'Oru (1989 y 2010)
  • Micrófonu d'Oru (2005)[17]
  • Premiu Joaquín Prat (2014)[18]
  • Premiu Nacional del Deporte (2012)[19]
  • Premiu Emilio Castelar (2013)[20]
  • Premiu Diego Bernal (2011)[21]
  • Premiu de l'Asociación Española d'Informadores de Prensa (2010)[22]
  • Medaya Castelao (2015)[23]
  • Fíu Adoptivu de Padrón (1986)[6]
  • II Premiu Nacional de Periodismu Deportivu ‘Manuel Alcántara’ na categoría "Trayectoria" (2019)[24]

Publicaciones[editar | editar la fonte]

  • Carrusel deportivo: Diario de un año (2006)
  • Debajo de la parra (2008)
  • Hasta que se me acaben las palabras (2022)

Referencies[editar | editar la fonte]

  1. ↑ «Quién es María Teresa Vega, la viuda que llora la muerte de Pepe Domingo Castaño: su matrimonio y sus dos hijos» (castellanu). El Español. Consultáu'l 2 febreru 2024.
  2. ↑ Varela, Javier (2023-09-17). «Muere Pepe Domingo Castaño, maestro de la radio deportiva, a los 80 años» (castellanu). Consultáu'l 2023-09-17.
  3. ↑ «Muere Pepe Domingo Castaño a los 80 años» (2023-09-17). Consultáu'l 2023-09-17.
  4. ↑ «Paco González y Pepe Domingo Castaño fichan por la Cadena Cope», 13-7-2010
  5. ↑ «Jose Domingo Castaño, Premio Nacional del Deporte», cope.es, 16-10-2012.
  6. ↑ 6,0 6,1 El País (ed.): «Pepe Domingo Castaño, hijo adoptivo de Padrón (La Coruña)» (español). Consultáu'l 5 de mayu de 1986.
  7. ↑ 7,0 7,1 7,2 7,3 7,4 Radiofonistas (ed.): «Biografía de Pepe Domingo Castaño» (español). Archiváu dende l'orixinal, el 13 d'ochobre de 2009. Consultáu'l 15 de mayu de 2010.
  8. ↑ La Vanguardia (ed.): «Ha muerto la presentadora de TVE María Luisa Seco» (español) (23 d'abril de 1988). Consultáu'l 15 de mayu de 2010.
  9. ↑ Premios Ondas (ed.): «Premios Ondas 1975» (español). Archiváu dende l'orixinal, el 10 de febreru de 2005. Consultáu'l 15 de mayu de 2010.
  10. ↑ «Pepe Domingo Castaño se tumba bajo la parra para escribir poemas y canciones» (español). Consultáu'l 15 de xunetu de 2010.
  11. ↑ MySpace (ed.): «Perfil de Jose Domingo Castaño en MySpace» (español). Consultáu'l 15 de xunetu de 2010.
  12. ↑ Momento Hermoso (ed.): «Cristina Castaño en el FesTVal de Vitoria-Gasteiz» (español). Archiváu dende l'orixinal, el 26 de setiembre de 2009. Consultáu'l 15 de xunetu de 2010.
  13. ↑ El parentesco que une a Pepe Domingo Castaño y Cristina Castaño
  14. ↑ «Pepe Domingo Castaño y su sufrimiento con el coronavirus: "No tenía fuerzas y dices, 'esto se acaba'... Fue muy, muy duro"» (castellanu) (14 de mayu de 2020). Consultáu'l 16 de mayu de 2020.
  15. ↑ «Hasta siempre, Pepe Domingo» (castellanu) (2023-09-17). Consultáu'l 2023-09-17.
  16. ↑ «La causa de la muerte de Pepe Domingo Castaño» (castellanu) (2023-09-17). Consultáu'l 2023-09-17.
  17. ↑ «Ponferrada acoge la entrega de premios Micrófono de Oro 2005».
  18. ↑ Digital, Confidencial (2014-01-28). «A Pepe Domingo Castaño, que ha sido distinguido con el Premio Joaquín Prat de Radio» (castellanu). Consultáu'l 2023-09-17.
  19. ↑ País, El (2012-12-05) (en castellanu). Cristiano Ronaldo recibe el Premio Nacional del Deporte. ISSN 1134-6582. https://elpais.com/deportes/2012/12/05/actualidad/1354736197_185051.html. Consultáu'l 2023-09-17. 
  20. ↑ cope.es (2014-05-22). «Pepe Domingo Castaño recibe el premio 'Emilio Castelar 2013'» (castellanu). Consultáu'l 2023-09-17.
  21. ↑ Atlántico (2011-01-25). «PEPE DOMINGO CASTAÑO PREMIO DIEGO BERNAL» (castellanu). Consultáu'l 2023-09-17.
  22. ↑ «Pepe Domingo, premio de la Asociación Española de Informadores de Prensa» (castellanu). Consultáu'l 2023-09-17.
  23. ↑ cope.es (2015-06-28). «Pepe Domingo Castaño recibe la Medalla Castelao» (castellanu). Consultáu'l 2023-09-17.
  24. ↑ «Pepe Domingo Castaño, orgulloso por unir su nombre al de Manuel Alcántara» (castellanu) (2019-12-16). Consultáu'l 2023-09-17.

Enllaces esternos[editar | editar la fonte]

Sacáu de «https://ast.wikipedia.org/w/index.php?title=Pepe_Domingo_Castaño&oldid=4139597»