Gangkhar Puensum
| Gangkhar Puensum | |
|---|---|
monte y virgin peak (en)  | |
 | |
| Situación | |
| País |  Bután |
| Distritu | distritu de Gasa |
| Cordal | Himalaya |
| Coordenaes | 28°02′49″N 90°27′18″E / 28.0469°N 90.455°E |
  Gangkhar Puensum Gangkhar Puensum (Bután) | |
| Datos | |
| Altitú | 7570 m |
| Prominencia | 2995 m |
 | |
El Gangkhar Puensum ye'l monte más altu del Bután y el mayor del mundu qu'inda nun foi escaláu, con un altor de 7.570 metros y una prominencia topográfica d'unos 2.990 metros. Ta allugáu na fastera oriental del cordal del Himalaya. Dende que Bután permitiere l'alpinismu, en 1983, empobinaron cuatro espediciones que fracasaron nel intentu por algamar la cume en 1985 y 1986. Sicasí, en 1998, un equipu va coronar con ésitu un picu subsidiariu del monte dende Tíbet.
El Gangkhar Puensum, alternativamente trescritu como Gangkar Punsum o Gankar Punzum, que significa "Los tres hermanos del monte", va ser midida per primer vegada en 1922 pero los mapes de la rexón nun son mui exautos y el monte amuésase en diferentes posiciones y con estremaes altures. Poro, el primer equipu qu'entama l'intentu de facer cume nun foi capaz d'algamala.
El llibru de la espedición británica de 1986 asigna al monte un altor de 24.770 pies (7549,90 metros) y afirma que'l Gangkhar Puensum pertenez dafechu al Bután mientres que'l monte Kula Kangri, allugada a unos 30 quilómetros al nordeste, ta completamente nel Tíbet. El Kula Kangri, de 7.554 metros, va ser escaláu per primer vegada en 1986. Fixéronse dellos mapes d'esti monte, sicasí allúgase como perteneciente al Tíbet o al Bután.
Dende 1994, ta prohibíu escalar montes más altes de 6.000 metros en Bután, por respetu a les creyencies espirituales locales, y dende 2003, l'alpinismu ta dafechu prohibíu. Poro, el Gangkhar Puensum podrá mantener el so status únicu per dalgún tiempu: les cumes escalaes avecen ser picos subsidiarios, pero non montes.
En 1998, una espedición xaponesa va consiguir un premiu de l'Asociación d'alpinismu china pa escalar el monte, pero'l permisu foi retiráu por Bután. En cambiu, el mesmu equipu salió del Tíbet y escaló con ésitu'l picu subsidiariu de 7.535 metros conocíu como Liankang Kangri (tamién nomáu Gangkhar Puensum Norte). En contra de la mayoría de mapes, l'informe de la espedición apunta q'esta cume pertenez al Tíbet y que la frontera ente'l Tíbet y Bután ta na cume del Gangkhar Puensum, descritu como'l monte más altu de Bután", a 7.570 metros según les midíes xaponeses, magar que non reconocíes por Bután.
Referencies[editar | editar la fonte]
Enllaces esternos[editar | editar la fonte]
Wikimedia Commons tien conteníu multimedia tocante a Gangkhar Puensum.- Berry, Steven K. (1988). The Thunder Dragon Kingdom: A Mountaineering Expedition to Bhutan (1st ed.). Marlborough: Crowood Press ISBN 1-85223-146-7 i Seattle: Cloudcap Press ISBN 0-938567-07-1. Ye'l llibru de la espedición británica de 1986.
- Nirvana Expeditions Semeyes del monte (n'inglés).
- Tin-Tin Trekking Mapa d'una parte de Bután que inclúi'l monte (n'inglés).
- Travel Intelligence Artículu sobro alpinismu en Bután y les sos restricciones.
| Control d'autoridaes |
|
|---|
Datos: Q219986- Multimedia: Gangkhar Puensum