Islla de la Posesión
 Islla de la Posesión | |
|---|---|
 | |
| Alministración | |
| País |  Francia |
| Territoriu dependiente | Tierres Australes y Antártiques Franceses |
| Tipu d'entidá | islla |
| Xeografía | |
| Coordenaes | 46°24′27″S 51°45′27″E / 46.4075°S 51.7575°E |
  Islla de la Posesión Islla de la Posesión (Océanu Índicu)  | |
| Superficie | 150 km² |
| Demografía | |
| Población | 60 hab. |
| Porcentaxe |
30.61% de Tierres Australes y Antártiques Franceses 0% de Francia |
| Densidá | 0,4 hab/km² |
 | |
La Île de la Possession (n'asturianu: Islla de la Posesión) ye una islla perteneciente al archipiélagu de les Islles Crozet, nel océanu Índicu subantártico. Ta alministrada per Francia.
Xeografía[editar | editar la fonte]
Con una superficie de 150 km², asítiase como la mayor del archipiélagu. Alluga la base científica Alfred Faure, construyida en 1963, na que cohabitan ente 18 y 30 persones dedicaes a trabayos d'investigación, colo que ye la única islla habitada del conxuntu.
Ta dixebrada de la Islla del Este pola Canal des Orques, de 18 quilómetros d'anchu, y xunto con ella forma'l grupu oriental del archipiélagu.
La so cota más alta ye'l Picu del Mascarín, con 934 metros d'altitú.
Actividá volcánica[editar | editar la fonte]
Les esploraciones vulcanólogues fueron realizaes en 1981 por Luc Chevallier a escala 1:50.000. La islla ye un estratu-volcán edificáu en 5 fases d'actividá.
El so centru eruptivu ta alcontráu anguaño nel oeste (Cabu de la Heroína, en francés: Cap de l'Héroïne), onde esisten delles falles. La erosión marina oldea cola rimada xeneral del volcán. Esta fase (Fase 1), la más antigua, ta formáu por palagonito (hyaloclastito) entrepoláu con niveles de fósiles marinos.
La Fase 2 ye visible dientro de los valles y correspuéndese a una actividá de tendalaes de basaltu más una actividá más esplosiva d'escoria piroclástica. Esta actividá fechase ente fai 9 y 1,3 millones d'años, escontra'l mediu Pliocenu y el principiu del Pleistocenu.
La Fase 3 asocede tres la erosión de los estratos de llava de l'anterior fase. Empieza con un conglomeráu base sobre la escoria, interestratificándose con fines tendalaes de llava. Esto da llugar a una serie de diques radiocéntricos al oeste de la islla. Esta fase desenvolvióse ente fai 1 y 0,5 millones d'años, mientres el Pleistocenu.
Na Fase 4 la llava proveniente de los diques crea un sistema de rift en direición noroeste-sureste. La cota oceánica xube en nivel y la islla estiéndese. Esta fase coincide con un periodu glacial.
La Fase 5 ta representada por conos d'escories (Mont Branca, por casu, y la zona del Mont des Cratères), alliniaos con diques y quebres del volcán primitivu. Esto asocedió hai menos de 100.000 años.
No que concierne a les laves, correspuenden a una serie de basaltos alcalinos emitíos na agua mientres les fases 1 y 2, y al aire nes demás. Provienen d'una reserva de magma, y aquelles que s'estremen del restu de La Pérouse (empiezu de la Fase 3).
Les manifestaciones post-volcániques amenorgase a una pequeña fonte termal mineral nel Vallée des Branloires. Sicasí la Fase 5 conduz a clasificar la islla como un volcán potencialmente activu.
Historia[editar | editar la fonte]
La islla foi afayada'l 24 de xineru de 1772 pol esplorador francés Nicolas Thomas Marion-Dufresne. Julien Crozet, segundu a bordu del Mascarin, foi unviáu a tierra, onde efectuó una ceremonia de posesión, consagrando con una botella la islla al rei Luis XV. La islla foi llamada más tarde Île de la Prise de Possession.
Referencies[editar | editar la fonte]
Enllaces esternos[editar | editar la fonte]
Wikimedia Commons tien conteníu multimedia tocante a Islla de la Posesión.
Datos: Q292450- Multimedia: Île de la Possession