Fremona

Coordenaes: 14°12′N 38°54′E / 14.2°N 38.9°E / 14.2; 38.9
De Wikipedia
Fremona
Alministración
Tipu d'entidá asentamientu humanu
Xeografía
Coordenaes 14°12′N 38°54′E / 14.2°N 38.9°E / 14.2; 38.9
Fremona alcuéntrase n'Etiopía
Fremona
Fremona
Fremona (Etiopía)
Cambiar los datos en Wikidata

Fremona (tigriña: ፍሬሞና, fəremona) foi una llocalidá allugada na actual rexón de Tigray, nel norte d'Etiopía. Foi la base de los misioneros católicos nesa rexón durante los sieglos XVI y XVII. Dlgunos autores como Bernhard Lindahl identifiquen Fremona col asentamientu actual d'Endiet Nebersh, asitiáu a 10 km d'Adua.[1][2]

Historia[editar | editar la fonte]

Fremona llamóse d'antiguo "Maigoga" (mai, en tigriña "agua," y guagua, "ruidosa") por causa de dos regatos que travesaben la población. L'orixe del nome ye inciertu anque ye antiguu y apaez nes inscripciones d'Aksum.[3] En 1577 l'obispu Andrés de Oviedo morrió nesta población y la so tumba convertióse nun santuariu pa los católicos de la rexón.

Foi este el llugar al que se retiraron los sacerdotes católicos, obispu y patriarca mientres el so exiliu una vegada que l'Emperador Fasilides refugó'l catolicismu y restauró l'estatus oficial de les creyencies tradicionales na Ilesia Ortodoxa Etíope en 1634. Naquel momentu, según Jerónimo Lobo la población tenía unos 400 habitantes.

Dempués de que los misioneros católicos xesuites fueren desterraos d'Etiopía en 1636, Fremona foi finalmente abandonada, anque se desconocen los detalles. L'historiador d'Etiopía Richard Pankhurst cita un documentu fiscal de 1697 que menta Fremona pol so antiguu nome de Maigoga.[4] L'exiptólogu Henry Salt viaxó pela zona na década de 1800 y declaró que nun atopó a naide que reconociera el nome del llugar.

Referencies[editar | editar la fonte]

  1. "Local History in Ethiopia"Usu incorreutu de la plantía enllaz rotu (enllaz rotu disponible n'Internet Archive; ver l'historial y la última versión). The Nordic Africa Institute website (accessed 27 September 2007)
  2. The Nordic Africa Institute. «Local History in Ethiopia» (inglés). Consultáu'l 22 d'abril de 2009. (enllaz rotu disponible n'Internet Archive; ver l'historial y la última versión).
  3. Uhlig, Siegbert (1 de xineru de 2003). Encyclopaedia Aethiopica: D-Ha (n'inglés). ISBN 9783447052382.
  4. Richard K.P. Pankhurst, History of vol. 1 Ethiopian Towns: From the Middle Ages to the Early Nineteenth Century (Wiesbaden: Franz Steiner Verlag, 1982), páx. 71.

Enllaces esternos[editar | editar la fonte]