Evan Goldberg

Evan Goldberg
Vida
Nacimientu	Vancouver, 1 de xineru de 1982 (42 años)
Nacionalidá	Canadá
Estudios
Estudios	Universidá McGill Point Grey stəywəte:n̓ Secondary School (en)
Llingües falaes	inglés
Oficiu	guionista, productor de cine, direutor de cine, productor executivu, realizador, productor de televisión
Premios	ver Paséu de la Fama de Canadá  (2018)
Miembru de	Writers Guild of America West (es)
IMDb	nm1698571

Evan Goldberg (1 de xineru de 1982, Vancouver) ye un direutor, productor y guionista cinematográficu canadiense. Empezó la so carrera nel mundu del cine xunto al so amigu de la infancia Seth Rogen, col que produció y escribió numberoses películes y diverses series de televisión de gran prestíu internacional. Como direutor empezó en 2013 cola película This Is the End. El y Rogen, fueron nomaos en numberosos premios como los Premios Emmy, los Globu d'Oru, Premios Independent Spirit, etc.

Biografía

Nacíu na ciudá canadiense de Vancouver de la provincia de Columbia Británica en 1982. Ye proveniente d'una familia xudía, se crio nel barriu de Marpole. Graduóse en secundaria na Escuela de Secundaria Point Grey y darréu asistió a la Universidá McGill de Montreal (Quebec). Nel añu 2004, trabayó mientres solamente tres díes como modelu de conxuntos pa la marca de ropa American Apparel. Nesi últimu añu empecipió la so carrera como guionista, xunto al so amigu de la infancia l'actor, comediante, escritor y productor de cine Seth Rogen, col qu'empezó escribiendo guiones pa la serie de televisión Da Ali G Show, creada ya interpretada por Sacha Baron Cohen. Al pie de Seth Rogen, dende'l 2007 trabayen conxuntamente como guionistes y productores cinematográficos en distintes películes d'humor qu'algamaron un gran ésitu internacional como Knocked Up, Superbad, Pineapple Express, Funny People, The Green Hornet, 50/50, The watch, The Guilt Trip y el curtiumetraxe Jay y Seth vs The Apocalypse. Dambos hanse declaráu pergrandes fans de The Simpsons y en 2009 conocieron al guionista de la serie animada, James L. Brooks qu'afirmó ser fan de la película que produxeren Superbad, qu'hai raigañu d'eso Brooks y los productores de Los Simpsons decidieron que dambos escribieren un capítulu de la serie que foi tituláu Homer the Whopper y estrenáu mientres la vigesimoprimera temporada.

Evan Goldberg empezó como direutor cinematográficu nel añu 2013 xunto a Seth Rogen, dirixendo la película This Is the End (Xordia hasta'l fin ) y anguaño tienen numberosos proyeutos dirixendo la próxima película The Interview que tien prevista la so fecha d'estrenu pa ochobre de 2014 y produciendo les películes Neighbors y Sausage Party que ta prevista pal 2015 y tamién les futures series de televisión Bigfoot de la cadena de la Fox, FX y Predicador de Sony Pictures Television, que ta sacada de la historieta Predicador.

Filmografía

Guionista, productor y direutor

Añu	Títulu	Notes
2004	Da Ali G Show	Guionista
2007	Knocked Up	Productor executivu y guionista
	Superbad	Productor y guionista
	Jay and Seth versus the Apocalypse	Guionista; (curtiumetraxe)
2008	Pineapple Express	Guionista
2009	Funny People	Productor executivu
2010	The Simpsons	Guionista; 1 episodiu: Homer the Whopper
2011	The Green Hornet	Guionista
	Goon	Idem
	50/50	Productor executivu
2012	The watch	Guionista
	The Guilt Trip	Productor
2013	This Is the End	Direutor, productor y guionista
2014	Neighbors	Productor; anguaño en desenvolvimientu
	The Interview	Direutor, productor y guionista; idem
2016	Sausage Party	Productor y guionista; idem
2016	Neighbors 2: Sorority Rising	Productor
Confirmar	Bigfoot	Productor executivu; (serie de televisión)- FX
	Predicador	Idem; - Sony Pictures Television

Premios y mominaciones

Premios Emmy

Añu	Categoría	Trabayo	Resultáu
2005	Meyor guión nuna serie de comedia, variedaes o música	Da Ali G Show	Nomáu

Premios Canadian Comedy

Añu	Categoría	Trabayo	Resultáu
2008	Meyor guión cinematográficu	Superbad	Ganador

Premiu Globu d'Oru

Añu	Categoría	Trabayo	Resultáu
2012	Meyor película - Comedia o musical	50/50	Nomáu

Premios Independent Spirit

Añu	Categoría	Trabayo	Resultáu
2012	Meyor película	50/50	Nomáu

Premios Genie

Añu	Categoría	Trabayo	Resultáu
2013	Meyor Guión Adautáu	Goon	Nomáu

Ver tamién

• Seth Rogen
• This Is the End
• Homer the Whopper
• Da Ali G Show

Enllaces esternos

• Wikimedia Commons acueye conteníu multimedia sobre Evan Goldberg.
• Evan Goldberg na Internet Movie Database (n'inglés)
• Evan Goldberg en Twitter
• Ficha en filmaffinity.com
• Biografía (n'italianu)
• Entrevista (n'inglés)

• Datos: Q3061320
• Multimedia: Evan Goldberg