Paolo Boselli
Paolo Boselli (8 de xunu de 1838, Savona – 10 de marzu de 1932, Roma) foi un políticu italianu, Primer Ministru d'Italia dende'l 18 de xunu de 1916 al 30 d'ochobre de 1917.
Escoyíu nel parllamentu italianu nel 1870 nes files de la derecha histórica, ente'l 1872 y el 1874 participó na comisión d'investigación agraria. Primeramente lliberal, averóse socesivamente a Francesco Crispi y a partir de 1888 ye ministru d'Instrucción Pública, d'Agricultura y de Finances.
Amás foi electu delles vegaes presidente de la provincia de Torino y sofitó la intervención del Reinu d'Italia na Primer Guerra Mundial.
Tres la cayida del gobiernu d'Antonio Salandra en xunu de 1916 foi escoyíu primer ministru. Tuvo que dimitir el 29 d'ochobre de 1917, dempués de conocese'l desastre militar de la Batalla de Caporetto, yá que siempres confío na capacidá del xeneral Luigi Cadorna, consideráu máximu artífiz de la derrota italiana naquella batalla.
Nel 1922 foi favorable al ascensu del fascismu, col que comulgaba l'iñerizu pol movimientu socialista y nel 1924 recibe'l carné d'honor del Partíu Nacional Fascista. El so últimu actu políticu de relieve foi la so participación nuna comisión qu'aprobó los Pactos de Letrán del 1929.
Referencies[editar | editar la fonte]
- ↑ Afirmao en: Gemeinsame Normdatei. Data de consulta: 15 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ 2,0 2,1 «Diccionario biográfico de los italianos» (italianu) (1960).
- ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ Afirmao en: www.accademiadellescienze.it. Accademia delle Scienze di Torino ID: paolo-boselli. Data de consulta: 1r avientu 2020. Llingua de la obra o nome: italianu.
Enllaces esternos[editar | editar la fonte]
| Predecesor: Antonio Salandra |
Primer Ministru d'Italia 1916–1917 |
Socesor: Vittorio Emanuele Orlando |
| Control d'autoridaes |
|
|---|
Datos: Q471232
Multimedia: Paolo Boselli