Mary K. Gaillard
Mary Katharine Gaillard (1 d'abril de 1939, New Brunswick)[9] ye una física teórica d'Estaos Xuníos especializada en física de partícules. Ye profesora de la Escuela de Llicenciatura na Universidá de California en Berkeley ―UCB― y científica invitada nel Llaboratoriu Nacional Lawrence Berkeley ―LNLB―. Foi la primer física en Berkeley.[10]
Carrera[editar | editar la fonte]
Gaillard foi profesora de física na UCB dende 1982 hasta 2009 y, coles mesmes, miembru senior del equipu de la facultá nel LBNL, onde encabezó'l Grupu de teoría de partícules en 1985-87. Graduóse na Universidá de Hollins en Virxinia en 1960 y llogró'l grau de maestra de la Universidá de Columbia en 1961, doctorándose na Universidad de París en Orsay, Francia, en 1968. Foi científica d'investigación nel Centru Nacional pa la Investigación Científica ―CNIC― de 1964 a 1981, aportando a Direutora d'Investigación en 1980, coles mesmes foi investigadora asociada na Organización Europea pa la Investigación Nuclear ―CERN― en Xénova, Suiza. En 1979 estableció un grupu de teoría de partícules nel Laboratoire d'Annecy-le-Vieux de Physique des Particules (LAPP) en Annecy-le-Vieux, Francia, que dirixó ente 1979 y 1981.
Trabayó en dellos comités de la American Physical Society, grupos asesores pal Departamentu d'Enerxía y el Conseyu Nacional de Busca de los Estaos Xuníos, y nuna serie de comités consultivos y de visites n'universidaes y llaboratorios nacionales. Foi miembru del Conseyu Nacional de Ciencies de 1996-2002.
Los sos llogros na investigación inclúin trabayos pioneros con Benjamin W. Lee sobre la evaluación de correiciones d'interacción fuerte en transiciones débiles, incluyendo la predicción esitosa de la masa del quark encantáu; tamién trabayó con John Ellis y otros investigadores nel analís d'estaos finales en topetar electrón-positrón, incluyendo la predicción d'eventos de trés jets, y estudios de teoríes gauge unificaes, incluyendo la predicción de la masa del quark fondu. Tamién realizó estudios con Michael Chanowitz de traces en colisionadores protón-protón qu'amosaron, en llinies bien xenerales, que la nueva física tien de presentase a enerxíes abondo altes. El so trabayu nos últimos años centróse nes teoríes de supergravedad efectiva basaes en supercuerdas y les sos implicaciones en fenómenos que pueden detectase tantu n'esperimentos d'aceleradores como n'observaciones cosmolóxiques.
Casóse con Jean Marc Gaillard con quien tuvo trés fíos ―Alain, Dominique y Bruno―. Más tarde, casóse con Bruno Zumino.[11]
Contribuciones importantes[editar | editar la fonte]
- Predicción de la masa del quark encantáu con anterioridá al so descubrimientu (con B. W. Lee).
- Predicción d'eventos de 3 jets (con J. Ellis y G.G. Ross).
- Predicción de la masa del quark fondu (con M.S. Chanowitz Y J. Ellis).
Premios y honores[editar | editar la fonte]
- Premiu Thibaud (1977)
- Socia de l'Academia de les Artes y les Ciencies d'Estaos Xuníos (1989)[12]
- Premiu Conmemorativo Y. O. Lawrence (1988)
- Miembru d'Academia Nacional de Ciencies (1991)[13]
- Premiu J. J. Sakurai de Física de Partícules Teórica (1993)
- Miembru de l'American Philosophical Society (2000)[14]
- Socia de l'American Physical Society.
Referencies[editar | editar la fonte]
- ↑ Afirmao en: Gemeinsame Normdatei. Data de consulta: 1r abril 2019. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: https://science.osti.gov/lawrence/Award-Laureates.
- ↑ URL de la referencia: https://www.amacad.org/person/mary-katharine-ralph-gaillard.
- ↑ URL de la referencia: https://www.gf.org/fellows/all-fellows/mary-k-gaillard/. Data de consulta: 25 febreru 2018.
- ↑ URL de la referencia: https://www.aps.org/programs/honors/prizes/sakurai.cfm. Data de consulta: 7 ochobre 2018.
- ↑ URL de la referencia: https://web.archive.org/web/20220321015113/https://www.aaas.org/news/2016-aaas-fellows-honored-advancing-science-serve-society.
- ↑ URL de la referencia: http://www.nasonline.org/member-directory/members/59416.html. Data de consulta: 25 febreru 2018.
- ↑ URL de la referencia: https://www.nsf.gov/nsb/members/former.jsp. Data de consulta: 22 febreru 2019.
- ↑ «Mary Gaillard | Array of Contemporary American Physicists». Consultáu'l 12 de febreru de 2017.
- ↑ Gibson, Val (13 d'agostu de 2015). «Physics: She did it all» (n'inglés). Nature 524 (7564): páxs. 160–160. doi: . ISSN 0028-0836. http://www.nature.com/nature/journal/v524/n7564/full/524160a.html. Consultáu'l 12 de febreru de 2017.
- ↑ «Mary Katherine Gaillard - UCLA». Consultáu'l 12 de febreru de 2017.
- ↑ «Book of Members, 1780–2010: Chapter B». American Academy of Arts and Sciences. Consultáu'l 12 de febreru de 2017.
- ↑ http://www.nasonline.org, National Academy of Sciences -. «Mary Gaillard - National Academy of Sciences». Consultáu'l 12 de febreru de 2017.
- ↑ «Public Profile: Dr. Mary K. Gaillard». Archiváu dende l'orixinal, el 19 de marzu de 2012. Consultáu'l 12 de febreru de 2017.