Centru Asturianu de Méxicu

De Wikipedia
Centru Asturianu de Méxicu
organización
Llocalización
PaísBandera de Méxicu Méxicu
Entidad federativa (es) TraducirBandera de Ciudá de Méxicu Ciudá de Méxicu
Sede Polanco (es) Traducir
Direición Méxicu
Historia
Fundación7 febreru 1918
Web oficial
Cambiar los datos en Wikidata

El Centru Asturianu de Méxicu ye una asociación civil ensin fines d'arriquecimientu que'l so fin ye dar sitiu de xunta a los inmigrantes y descendientes d'inmigrantes asturianos en Ciudá de Méxicu.

Historia[editar | editar la fonte]

Tien el so orixe na xunta que celebraron el 7 de febreru de 1918 un grupu d'asturianos, a iniciativa, ente otros, de José Menéndez Aleu, Ángel H. Díaz y Antonio Martínez Cuétara na casa d'esti postreru nel númberu 52 de la cai de l'Amargura (güei República d'Hondures) de la Ciudá de México, siendo'l so primer presidente Jesús Moradiellos.

La idea orixinal foi crear un club de fútbol, el Club Asturies, qu'amás sirviera de venceyu ente los asturianos en Méxicu. L'equipu darréu entama la so actividá deportiva y, complementando la so intención orixinal, el club lleva a cabu en 1919 la so primer actividá social: la Jira, gran romería tradicional nel mes d'abril, recordando una victoria del rei Pelayu pela redolada de Gigia (güei Xixón) que se sigue celebrando hasta los nuesos díes.

Anguaño'l Centru Asturianu de Méxicu tien tres sedes:

  • El Parque Asturias asitiáu na colonia El Reloj, na cai de Cáliz, al sur la Ciudá de Méxicu.
  • La sede Sociocultural asitiada na cai Arquímedes, 4, Colonia Polanco. Delegación Miguel Hidalgo, 11560 Ciudá de Méxicu.
  • El Centru Ecolóxicu asitiáu pela redolada de la Ciudá de Cuautla nel estáu de Morelos.

Cuenta con un serviciu en comida asturiano y español en tolos sos restoranes. Les sos oficines centrales #atópanse en Polanco, col Parque Asturias na zona sur la Ciudá de Méxicu y un Club Campestre Ecolóxicu nel estáu mexicanu de Morelos. Promueve l'espardimientu de la cultura asturiana y asoleya una Gaceta mensual.

Premios y reconocencies[editar | editar la fonte]

  • 2018 "Premiu Amuravela d'Oru", otorgáu pola Asociación d'Amigos de Cuideiru, con motivu del Centenariu del Centru Asturianu de Méxicu. Recoyó'l gallardón el so presidente, el tebergán Manuel Arias Díaz.[1]

Referencies[editar | editar la fonte]

  1. Murias, Raquel L. (9 de xunetu de 2018). XXXIX Edición del gallardón con más solera de Cudillero. Rosa Menéndez: "Hay que impulsar a las jóvenes hacía las carreras científicas". Cudilleiru.  p. 20. 

Enllaces esternos[editar | editar la fonte]