Victoriano Guisasola y Menéndez
.svg){kind=small}
Victoriano Guisasola y Menéndez[5](21 de marzu de 1852, Uviéu – 2 de setiembre de 1920, Madrid) foi un patriarca llatín y arzobispu asturianu, senador, miembru correspondiente de la Real Academia de la Historia, obispu d'Osma, de Xaén, de Madrid-Alcalá y arzobispu de Valencia y de Toledo.
Vida[editar | editar la fonte]
Infancia y Formación académica[editar | editar la fonte]
Nacio n'Uviéu, el 21 de marzu de 1852, fíu de José Guisasola Rodríguez, armeru natural d'Éibar y Maria Felipa Menéndez Palaciu, uvieín. Empecipió los sos estudios nel Seminariu de Santu Domingu (Uviéu), y tres el so zarru en 1868, mover a la Universidá de Salamanca, onde en 1870 empezó los sos estudios, llogrando en 1976 la llicenciatura en Derechu Civil y Canónicu. Darréu, nel Seminariu Conciliar de san Ildefonso (Toledo) llogró'l doctoráu nos Sagraos Cánones. Esta doble faceta na so educación fíxo-y ser mas respetable ante los diversos grupos intelectuales colos qu'hubo de tratar.[6]
Presbiteriado[editar | editar la fonte]
En 1876, en Ciudá Real foi ordenáu sacerdote pol so tíu paternu, Victoriano Guisasola y Rodríguez, obispu prior de les órdenes militares, a quien acompañó como canciller-secretariu d'Orihuela en 1882, y dempués, en Santiago de Compostela en 1886 al ser promovíu a aquel Arzobispáu. Al finar el so tíu en 1888 foi nomáu vicariu capitular.
Episcopáu[editar | editar la fonte]
El 15 de xunu de 1893 foi preconizáu obispu de Osma. Darréu, el 17 d'abril de 1897 ye treslladáu al obispáu de Xaén, onde comienzó les obres del so seminariu. Cuatro años dempués, el 16 d'avientu de 1901 ye promovíu a la diócesis de Madrid-Alcalá.
El 10 de mayu de 1905 ye nomáu Arzobispo de Valencia pol papa San Pío X, a instancies del rei Alfonso XIII. Toma posesión el 10 de mayu de 1905.
Cardenalatu[editar | editar la fonte]
El 13 de xineru de 1914 ye preconizáu arzobispu de Toledo y el 25 de mayu inmediatu foi creáu cardenal por San Pío X, col títulu presbiteral de los Cuatro Santos Coronaos. Ta soterráu na capiya del Seminariu Diocesanu.
Foi'l penúltimu arzobispu de Toledo n'ostentar los títulos de Patriarca de les Indies Occidentales y de Canciller Mayor de Castiella.
Referencies[editar | editar la fonte]
- ↑ Afirmao en: Diccionario biográfico español. Identificador DBE: 24493/victoriano-guisasola-y-menendez. Apaez como: Victoriano Guisasola y Menéndez. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
- ↑ Identificador del Boletín Oficial del Estado: BOE-A-1916-441.
- ↑ URL de la referencia: http://www.racmyp.es/academicos/lista_historica.cfm. Data de consulta: 10 febreru 2019.
- ↑ Afirmao en: Catholic-Hierarchy.org. Identificador Catholic Hierarchy de persona: gume. Data de consulta: 16 ochobre 2020. Llingua de la obra o nome: inglés.
- ↑ Ramírez Xerez, Pablo, "El cardenal uvieín Victoriano Guisasola", Boletín de Lletres del Real Institutu d'Estudios Asturianos (Uviéu), Xineru-Avientu 2015, páxs. 205-218.
- ↑ López Nuñez, Álvaro, "Necrolóxica del Emmo. S. Cardenal Don Victoriano Guisasola, individuu de númberu de la Real Academia de Ciencies Morales y Polítiques", Madrid, Imp. de Jaime Ratés, 1923, 63 pp.
Enllaces esternos[editar | editar la fonte]
Wikimedia Commons acueye conteníu multimedia sobre Victoriano Guisasola y Menéndez.- Ficha en Catholic hierarchy
- Biografía de Victoriano Guisasola y Menéndez
| Predecesor: Pedro Lagüera Menezo |
 1893 – 1897 |
Socesor: José María García Escudero Ubago |
| Predecesor: Manuel María León González y Sánchez |
1897 – 1901 |
Socesor: Salvador Castellote y Pinazo |
| Predecesor: José María Justo Cos y Macho |
.svg) 1901 – 1905 |
Socesor: José María Salvador y Barrera |
| Predecesor: Sebastián Herrero E. de los Caballeros |
 1905 – 1914 |
Socesor: Valeriano Menéndez Conde y Álvarez |
| Predecesor: Gregorio Aguirre García |
 Primáu d'España 1914 – 1920 |
Socesor: Enrique Almaraz y Santos |
Datos: Q2141785- Multimedia: Victoriano Guisasola y Menéndez