Adamus Scotus

Adamus Scotus
abá	;
abá
Vida
Nacimientu	circa 1140
Nacionalidá	Reinu d'Inglaterra
Muerte	20 de marzu de 1212 (71/72 años)
Estudios
Llingües falaes	llatín
Oficiu	escritor, teólogu, monxu cristianu
Creencies
Relixón	Ilesia Católica
Orde relixosa	Orden de los Cartujos (es)

Adam Scott, tamién llamáu Adamus Anglicus, Adamus Premostratensis, Adam de Dryburgh y Adam el Cartuxu (circa 1140 – probablemente 20 de marzu de 1212) foi un relixosu angloescocés, monxu premostratense de l'abadía de Dryburgh y depués cartuxu, predicador, teólogu y escritor relixosu.

Nació nel área fronteriza d'Escocia (Northumberland y Scottish Borders) y probablemente foi alumnu de Hugo de San Víctor. Tuvo na abadía de Dryburgh como monxu premonstratense y coaxutor de los sos dos primeros abás Roger y Gerard y ente 1184 y 1188 foi abá él mesmu; d'ende pasó a Francia, a la comuña de Prémontré, na Picardía, ya impresionáu pola visita que fizo al conventu cartuxu de Val Saint-Pierre de Vervins, arrenunció a la so abadía en Dryburgh y, siguiendo los pasos del abá Roger, primer abá de Dryburgh, qu'ingresara na abadía de Val Saint-Pierre en 1177, resolvió camudar d'orde monástica faciéndose cartuxu; Adam volvió a Gran Bretaña y visitó a Hugo de Lincoln, obispu de Lincoln, ya ingresó na cartuxa de Whitam (Somerset). Los premonstratenses trataron de faelo volver, pero foi en devanéu.

De calter allegre, elocuente y posesor d'una portentosa memoria, foi un predicador famoso y refecho, del que queda un centenar de sermones y numberosos trataos ascéticos y místicos, en que ye sensible l'influxu de San Bernardo. Ente los sos trabayos más conocíos tán De tripartitu tabernaculo, escritu en Dryburgh en 1180, y Liber de quadripartito exercitio cellae, escritu en Witham. Les sos obres fueron publicaes pro vez primer por Egídio Gourmont en París, 1518.

Obres[editar | editar la fonte]

De tripertito tabernaculo, 1180.
De quadripertito exercitio cellae

Referencies[editar | editar la fonte]

↑ Afirmao en: Oxford Dictionary of National Biography. Editorial: Oxford University Press. Llingua de la obra o nome: inglés. Data d'espublización: 2004.
↑ Afirmao en: Mirabile: Digital Archives for Medieval Culture. Llingua de la obra o nome: italianu. Editorial: SISMEL – Edizioni del Galluzzo.

Enllaces esternos[editar | editar la fonte]

[845497c96a663c2e120c89a7590f95a102281273-1] Afirmao en: Oxford Dictionary of National Biography. Editorial: Oxford University Press. Llingua de la obra o nome: inglés. Data d'espublización: 2004.

[7866baa1d2a4db2b7f60b6a8170ce8b8f1a580e9-2] Afirmao en: Mirabile: Digital Archives for Medieval Culture. Llingua de la obra o nome: italianu. Editorial: SISMEL – Edizioni del Galluzzo.

[1]

[2]