Escudu d'Eilao

Escudu d'Eilao
Datos
Estáu	España
Propietariu	Eilao

L'escudu d'Eilao (Asturies) nun tien sanción llegal, pero ye utilizáu dende hai tiempu. Trátase del escudu inventáu por Octavio Bellmunt y Fermín Canella na so obra "Asturias".

Los dos primeros cuarteles representen l'antigua pertenencia d'Eilao a la obispalía, d'ehí la Cruz de los Ánxeles y el castiellu col águila que ye l'escudu de Castropol onde tevo incluyíu. Los otros dos cuarteles pretenden ser les armes del fonduxe d'Eilao, que se representen de cutiu nún únicu cuartel, anque nesti casu se representen en dos cuarteles diferentes.

Asina'l so escudu ye cuartiáu en cruz timbráu con corona real del Príncipe d'Asturies.

• Primer cuartel: la Cruz de los Ánxeles n'oru y piedres precioses, acompañáu de dos ánxeles enclicaos vestíos de blanco.

• Segundo cuartel: en gules una torre almenada con una águila naciente sobre ella, y sobre l'águila un cuernu que ye'l cuernu de l'abondanza, a los dos llaterales de la torre dos palmes.

• Tercer cuartel: un home cocinando con una caldera suxeta al tueru d'un árbol.

• Cuartu cuartel: una torre almenada con un lleón alzáu haza les sos almenes, sobre la torre un cáliz y sobre too ello una hostia.

Ver tamién

• Escudos d'Asturies

Enllaces esternos

• Datos: Q8777947