Escobiu de Los Beyos

De Wikipedia

L'Escobiu de Los Beyos ta asitiáu na parroquia de Samartín na población de Ceneya nos conceyos asturianos d'Amieva y Ponga.

L'escobiu, erosionáu pol ríu Sella, percuerre'l macizu cantábricu dientro del macizu asturianu. Allúgase nel conceyu de Ponga na mayor parte anque'l so entamu y final alcuentrense nel conceyu vecín d'Amieva.

Etimolóxicamente la pallabra remanez de «beyu», denomatu llocal pa les hoces, escobios y gargantes.

L'entamu de la ruta del escobiu escomienza nel pueblu de Ceneya con una garganta que tien una llonxitú de doce quilómetros hasta Sayambre. Demientres tol so percorríu la paré vertical ye impresionante, con unes paredes verticales que dexen un pequeñu espaciu per onde pasen el ríu y la carretera.

El primer tramu asitiase ente Ceneya y Ponte Vidosa ente los desplomes denominaos del Carriá y el pre-cornión. En Vidiosa apaez el remexu d'Aguasalió. Siguese pela carretera haza La Huera, pasando la ponte Angoyu adentramonos en Lleón. Nesti puntu afayense les formaciones rocoses del Frailón y les Monxines (llocalmente Pica la Plana y los Cuatro Picos).

Tres altravesar el túnel del Regaldín, quedenmos les pontes de Vaguardo, Pasomina y Cuerlles. En pasaes estes pontes aportamos a les estrechures d'Entrepicos y el Pozo las Vacas, finalmente llegamos a Cobarcil onde l'escobiu queda atrás y apaez el gran valle de Sayambre.


Referencies[editar | editar la fonte]

Enllaces esternos[editar | editar la fonte]