Escandonada

De Wikipedia
Saltar a navegación Saltar a la gueta

Escandonada ye'l nome col que se conoció'l llevantamientu realista lleváu a cabu por Salvador Escandón y Antayo nel mes d'ochobre de 1822 cuando diba desterráu a Puebla de Sanabria. Al poco foi capturáu y lleváu a la cárcel de Cangues d'Onís pa, más sero, ser conducíu a Uviéu'l 4 de payares, en compañía de los sos fíos mayores, José María y Juan. En 1823 foi treslladáu a La Coruña onde lu tiraron a la mar cuando taba a puntu d'entrar na ciudá.

Hubo una segunda escandonada na que foi protagonista'l se fíu pequeñu, Benito Escandón y Lue, que tuvo llugar el 18 d'ochobre de 1833 en La Pola (Siero), al glayíu de ¡Viva Carlos V!. Foi secundáu pol cura Ramón Argüelles y dellos voluntarios, siendo la partida d'unos cuarenta miembros.

Dellos autores señalen que Benito Escandón foi deteníu en Lleón, siendo posteriormente fusiláu; otros mantienen que se retiró a Navarra[1]

Notes[editar | editar la fonte]

  1. Voz Escandonada en Diccionario Histórico de Asturias, La Nueva España, px. 385