Escala internacional d'unidaes d'amargor

De Wikipedia
Saltar a: navegación, buscar
El llúpulu ye ún de los principales axentes amargantes de la cerveza.

La escala internacional d'unidades d'amargor, simplificao habitualmente coles sigles IBU (International Bitterness Units), proporciona una midida del amargor de la cerveza, dau polos llúpulos utilizaos na so preparación. Un IBU mídese al traviés d'un espectrofotómetru y la so estracción con disolvente. Nun ye equivalente a una parte por millón d'isohumulona o ácidu alfa isomerizao como a veces se suel afirmar. En cambiu, ye'l resultáu d'una fórmula empírica que basa'l so desenrollu en muestres de preba de cerveza, correllacionando l'amargor percibíu nun valor medíu que representa la concentración total de compuestos amargos na cerveza.

L'efectu amargante ye menos perceptible en cerveces con una alta cantidá de malta, ansí, ye necesario amestar una mayor cantidá d'IBUs en cerveces más pesaes pa equilibrar el sabor. Por exemplu, una Imperial stout pue tener un IBU de 50, pero tendrá un tastu menos amargu qu'una Bitter, con un IBU de 30, debío a que la última cerveza utiliza muncha menos malta que la primera. El llímite técnicu del IBU ye 100 y, anque dalgunos trataren de superar esti númberu, nun existe nengún indicador real que vaiga más allá.

Una Ligth lager podría corresponer a un 5 na escala, mentes qu'un vinu de cebada podría algamar el 100.

Les midíes pa otres bébores inclúin:


Fórmula[editar | editar la fonte]

La fórmula qu'utilicen los cerveceros artesanales pa calcular l'IBU ye:

Cquote1.svg P x AA% × Uaa / (V × 1,34) Cquote2.svg

  • P refierse al pesu de los llúpulos usaos​​, n'onces.
  • AA% refierse al porcentaxe d'ácidu alfa, influenciáu por munchos factores, incluyendo'l métodu de cultivu, les especies, y la climatoloxía (el llúpulu véndense davezu marcao con esti porcentaxe).
  • Uaa ye'l porcentaxe d'ácidu alfa que s'utiliza realmente nel procesu d'ebullición.
  • V volume del mostiu, en galones.
  • 1,34 factor constante, axustable a les unidaes de midida nos EE.UU.


Referencies[editar | editar la fonte]