Erythropitta erythrogaster

De Wikipedia

Les especies d'aves con nome común en llingua asturiana márquense como NOA. En casu contrariu, conséñase'l nome científicu.

Erythropitta erythrogaster
Estáu de caltenimientu
Esmolición menor (LC)
Esmolición menor (IUCN 3.1)[1]
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Pittidae
Xéneru: Erythropitta
Especie: Erythropitta erythrogaster
Temminck, 1823
Sinonimia
  • Pitta erythrogaster
Consultes
[editar datos en Wikidata]

Erythropitta erythrogaster ye una especie d'ave paseriforme de la familia Pittidae. Atópase nes islles Filipines, Célebes, les Moluques y Nueva Guinea, amás del estremu noroccidental d'Australia.[1] El so hábitat natural ye'l monte húmedu tropical de les tierres baxes.

Descripción[editar | editar la fonte]

Mide ente 15 y 17 cm de llargor.[2]Tien un aspeutu sólido y regordeto, con ales y cola curtia, cabeza arrondada y el picu espurríu. El color del plumaxe varia según la subespecie, pero caltién dellos patrones carauterísticos. La cara y el gargüelu son de color rosáu o marrón o negru ente que la frente, el pileu y nuca son de de color canela, castañal acoloratada, o colloráu; el pechu ye azul más o menos intensu o verdosu, dacuando cola presencia d'una banda de negru ente'l pechu y el gargüelu o una banda del mesmu color ente'l pechu y el banduyu. Les ales son de color verde azuláu con plumes de vuelu azules. El so obispillo ye azul y el banduyu y la cola son de color coloráu. La fema suel amosar plumaxes de colores menos brillosos ya intensos que'l machu. El so picu ye coritu, les pates son de color carne y l'iris de de los sos güeyos ye de color castañu.[3]

Comportamientu[editar | editar la fonte]

Tien vezos diurnos. Vive solitaria, o en pareyes na dómina de celu. Ye desaxeradamente territorial escontra los sos conxéneres, pero cobarde y reservada: pasa la mayor parte del día nel suelu, moviéndose con circunspección na trupa maleza en busca d'alimentu.

Alimentación[editar | editar la fonte]

La dieta d'esta ave compónse principalmente de merucos de tierra y cascoxos. Tamién s'alimenta d'inseutos y otros pequeños invertebraos.

Reproducción[editar | editar la fonte]

La pareya collabora na construcción del nial, de forma esférica, allugáu yá seya nel suelu, ente los arbustos o ente les cañes d'árboles; construyíu con cañes y material vexetal; con cámara d'incubación interna forrada con fueyes. La fema pon 1 a 3 güevos.

Referencies[editar | editar la fonte]

  1. 1,0 1,1 BirdLife International (2012) Pitta erythrogaster; The IUCN Red List of Threatened Species, Versión 2014.2. Consultáu'l 7 d'ochobre de 2014.
  2. Pratt, Thane K. & Bruce M. Beehler Birds of New Guinea: 3965, pl.63.
  3. Pardo, Rafael y José Gogorza y González (1887) Aves de la Filipines:15. Serviciu de Reproducción de Llibros de Llibreríes París-Valencia.

Enllaces esternos[editar | editar la fonte]