Ernesto Vitienes Colubi
Ernesto Vitienes Colubi | |
|---|---|
| Vida | |
| Nacimientu | Santolaya, 14 d'ochobre de 1936[1] |
| Nacionalidá |
 España |
| Muerte | Santu Domingu[1], 29 de mayu de 2013[2] (76 años) |
| Estudios | |
| Estudios | Universidá Concordia |
| Llingües falaes | castellanu |
| Oficiu | |
| Oficiu | empresariu |
 | |
Ernesto Vitienes Colubi (14 d'ochobre de 1936, Santolaya – 29 de mayu de 2013, Santu Domingu) foi un empresariu y economista asturianu.
Biografía
[editar | editar la fonte]Estudió ciencies económiques na Universidá de Concordia de Montreal (Canadá). Desarrolló una destacada trayeutoria nel ámbitu empresarial, especialmente na República Dominicana. Destacó pol so compromisu col progresu económicu y empresarial, ocupando papeles relevantes como vicepresidente y tesoreru del Conseyu d'Alministración de la editora Listín Diario, presidente de la Cámara de Comerciu, Agricultura ya Industria de Santu Domingu y sociu fundador del club náuticu d'es aciudá, ente otros.
Amás, tuvo venceyáu a Industrias Lavador, una empresa que xugó un papel importante na so carrera empresarial. La empresa fabricaba xabones, productos de llimpieza y grases comestibles. Güei ta considerada la mayor empresa agroalimentaria d'aquel país.[3]
Vida familiar
[editar | editar la fonte]Ernesto provenía d'una familia influyente y respetada. El so padre, Ernesto Vitienes Fernández, tamién empresariu, emigrara a América buscando un futuru meyor. Na República Dominicana fundó una casa comercial d'importación (Casa Vitienes"). A finales de los años 1920 volvió a la so tierra natal, onde casó con Conchita Colubi y Ernesto nació'l 14 d'ochobre en 1936, en plena guerra civil española. Decidieron fuxir d'España y de la guerra y marcharon a República Dominiana. El so contornu familiar foi clave nel so desarrollu personal y profesional, siendo un sofitu constante na so trayeutoria y dexando un legáu significativu tanto nel ámbitu llaboral como nel personal.
Casó con Ivelisse Nadal, cola que tuvo cuatro fíos: Ernesto, Francisco, Ricardo y María José.
No que cinca a lo personal, foi apasionáu del deporte y de la mar, contribuyendo dafechu al desarrollu de comunidaes deportives y náutiques.
Muerte
[editar | editar la fonte]Vitienes Colubi finó'l 29 de mayu de 2013 en Santu Domingu, República Dominicana.[3]
Referencies
[editar | editar la fonte]- ↑ 1,0 1,1 «La Nueva España» (castellanu) (1r xunu 2013). Consultáu'l 10 abril 2025.
- ↑ URL de la referencia: https://listindiario.com/la-republica/2013/05/30/278839/fallece-empresario-ernesto-vitienes.html. Data de consulta: 10 abril 2025.
- ↑ 3,0 3,1 «Adiós al hijo del próspero jabonero» (castellanu) (1 de xunu de 2013). Consultáu'l 10 d'abril de 2025.
Enllaces esternos
[editar | editar la fonte]| Control d'autoridaes |
|
|---|
Datos: Q133849941