Eritachus rubecula

De Wikipedia
Saltar a: navegación, buscar
Commons-emblem-notice.svg
Raitán
ErithacusRubecula.jpg
Erithacus rubecula melophilus
Estáu de caltenimientu
Preocupación menor (LC)
Esmolición menor (IUCN 3.1)
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Muscicapidae
Xéneru: Erithacus
Especie: E. rubecula
Nome binomial
Erithacus rubecula
Linnaeus, 1758
Distribución
Verbreitungskarte Rotkehlchen.jpg
Subespecies
Ver el testu

El raitán, raitana o paparroxu (Eritachus rubecula) ye un páxaru que ta espardíu per toa Europa, principalmente na rexón meridional del continente, u habita tou l'añu. Tien el tamañu d'un gurrión (prietu de 14 cm), pero ye más llixeru. Como'l so nome amuesa en munches llingües, tien la tiesta, la colluga y la caxa de color bermellu, paecíu a madera; el restu del cuerpu ye agrisayáu. Habita davezo en viesques de fasteres llentes, onde hebia munches fueyes muertes y abondes felechales.

Aspectu[editar | editar la fonte]

  • Llonxitú = 13-14 cm.
  • Pesu = 11-22 gramos.
  • Envergadura de les ales = 6,8-7,7 cm.
  • Media de vida = 3-4 años, pero lleguen dica los 13.

Hábitat[editar | editar la fonte]

Atópase en xardinos, sebes, viesques y soviesques. Fae los niales nos furacos de los árboles, al pie de les sebes, nes yedres o n'oxetos vieyos debalaos na so estaya de vida. El nial tien forma de taza redonda.

Reproducción[editar | editar la fonte]

El raitán emparéyase dende avientu; xeneralmente ye la fema la qu'acueye al machu nel so territoriu. Cuando ella ta guariando la segunda puesta, el machu encárgase de l'alimentación de la primera. Los recién nacíos emprincipien a volar a los 13-14 díes de salir del güevu.

  • Periodu de nialificación: d'abril a agostu.
  • Númberu de puestes: 1-2 al añu.
  • Númberu de güevos: 5-6 en cada puesta. Son blancos con puntinos marrones.
  • Incubación: 13-14 díes.

Alimentación[editar | editar la fonte]

El raitán nútrese en campu abiertu y na soviesca. Aliméntase, sobre manera, d'invertebraos pequeños que viven en suelu (inseutos, coleópteros, llimiagos o guxanos). Na seronda y na primavera aliméntase tamién con bayes y frutos pequeños. Cacia columbriando la so presa dende una rama de la que sal disparáu. Amás, cuando ven a otru animal escavando na tierra, como por exemplu un topu, síguenlu pa guetar guxanos y merucos.

Cantu[editar | editar la fonte]

Ye un cantu que defínese como una riestra variada y nidia de frases curties; dambos sexos canten tou l'añu.

Subespecies[editar | editar la fonte]

Reconócense les siguientes subespecies:[1]

Otros nomes[editar | editar la fonte]

  • Papu bermeyu
  • Francesina
  • Papín
  • Colorín (en Cantabria)

Enllaces esternos[editar | editar la fonte]

Referencies[editar | editar la fonte]

  1. Clements, J. F., T. S. Schulenberg, M. J. Iliff, B.L. Sullivan y C. L. Wood. (2010). «The Clements checklist of birds of the world: Version 6.5». Consultáu'l 5 de xunu de 2011.