Entrenador de baloncestu

Entrenador de baloncestu
	profesión, cargu y basketball terminology (en)
	entrenador y basketball people (en)

Entrenamientu de baloncestu ye l'actu de dirixir y diseñar la estratexa del comportamientu d'un equipu de baloncestu o d'un xugador individual. L'entrenamientu de baloncestu suel incluyir la meyora de les habilidaes ofensives y defensives tantu individuales como colectives, amás de la condición física xeneral. Los entrenadores tamién tienen la responsabilidá de desenvolver el equipu al traviés del desenvolvimientu de xugadores, la estratexa y la xestión durante los partíos. Amás, enseñen y inspiren al equipu pa dar lo meyor de sí.

L'entrenamientu suel realizase por una sola persona, davezu con ayuda d'unu o más asistentes.

Ferramientes d'entrenamientu

Una pizarra blanca, una carpeta con pinza o una tableta electrónica con un esquema d'una pista de baloncestu suel usase a metá del partíu pa describir xugades y dar una visión xeneral de la estratexa del equipu contrariu. Los entrenadores diseñen estratexes y analicen a los equipos rivales pa atopar la manera más eficaz de ganalos. Al mesmu tiempu, supervisen al so propiu equipu pa escoyer a los cinco meyores xugadores pa entamar (namás pueden tar cinco xugadores en pista al empar). Los entrenadores tamién tienen de tar pendientes de los sustitutos pa introducilos a lo llargo del partíu y caltener al equipu frescu.

Un diseñador d'exercicios úsase pa dibuxar rutines, xugaes y información. Los entrenadores tamién usen xestores d'archivos pa guardar tolos materiales d'entrenamientu nun mesmu llugar y poder consultalos dende cualquier parte. Los planificadores úsense pa diseñar estratexes y planes de xuegu.

Ver tamién

Entrenador

Referencies

Enllaces esternos