Ensame Nacionalista Astur

De Wikipedia
Saltar a navegación Saltar a la gueta
ENSAME NACIONALISTA ASTUR (ENA)
Ensame Nacionalista Astur (logo).jpg
Fundación 17 de setiembre de 1982
Disolución 1988
Sede C/ Valentin Masip, 3. 3u D - Uviéu (Asturies)
Ideoloxía política Nacionalista asturiana y Socialista

L'Ensame Nacionalista Astur (ENA) foi un partíu políticu asturianu, nacionalista d'Izquierda.

Perfaese en 1982 tres el desaniciu, en 1981, del Conceyu Nacionalista Astur (CNA) primer partíu nacionalista asturianu, asitiáu nun denomáu nacionalismu revolucionariu. L'ENA continuará nesa llinia ideolóxica d'izquierda radical, reivindicando'l socialismu autoxestionariu como modelu de sociedá.

En 1988, depués de dos fracasos eleutorales, únese a la Xunta Nacionalista Asturiana (XNA) pa formar Unidá Nacionalista Asturiana (UNA) que se presentará a les eleiciones europees y a les xenerales españoles de 1989.

El so símbolu yera la denomada Flor del Agua y foi de los primeros partíos n'usar l'Asturina cola estrella bermeya.

Resultaos eleutorales[editar | editar la fonte]

1983

L'ENA presentóse a les Eleiciones a la Xunta Xeneral del Principáu d'Asturies de 1983. Nes mesmes, el conocíu escritor asturianu Andrés Solar foi cabeza de la llista pola circunscripción oriental. El partíu algamará unos escasos 2.505 votos, un 0,45% del total. Pa les Eleiciones a Conceyu nun presentó nenguna candidatura.

1987

El 10 de xunu de 1987, n'Asturies, celebráronse trés eleiciones: A la Xunta Xeneral, a conceyu y al Parllamentu Européu.

Nes eleiciones asturianes, l'ENA namái presentó candidatura pa les Eleiciones a la Xunta Xeneral, esperimentando una llixera xuba de votos algamando la cifra de 2.800 (un 0,49% del total), pero inda lloñe del diputáu. Nesta ocasión, tamién dexó de llau les candidatures nos conceyos, nun presentándose en nengún.

Pa les Eleiciones al Parllamentu Européu, l'ENA dientro d'una campaña d'apoyu estatal, emprestó interventores y fizo campaña por Herri Batasuna (HB)[1] algamando esta formación n'Asturies 5.623 votos (un 0'98% del total) y 360.952 nel conxuntu del estáu (un 1,87% del total) lo que-y dio un eurodiputáu[2].



Predecesor:
Conceyu Nacionalista Astur (CNA)
Partíu políticu
ENA 1982-1988
Socesor:
Unidá Nacionalista Asturiana (UNA)

Referencies[editar | editar la fonte]

  1. HB ha destinado quince millones de pesetas a sus comités de apoyo, ABC, 8 de xunu de 1987.
  2. Resultaos de les Eleiciones al Parllamentu Européu del 10 de xunu de 1987 Gobiernu d'España, Ministeriu del Interior|editorial=Gobierno de España, Ministerio del Interior

Tolos resultaos eleutorales d'Asturies recoyíos nesti artículu tienen como fonte d'información la SADEI. [1]

Enllaces esternos[editar | editar la fonte]

Banderes del movimientu nacionalista asturianu(n'inglés)