Enrique Jiménez González

Enrique Jiménez González (1888, Madrid – 1957, Méxicu) foi un matemáticu español.^[1]^[2]

Doctoráu en Ciencies exactes na Universidá Central de Madrid, foi profesor d'aritmética, álgebra, geometría añalítica y cálculo infinitesimal n'escueles cimeres, así como de ciencies nos Institutos de Segunda Enseñanza. Yera catedrático na so universidá cuando tuvo que salir d'España a raíz del exiliu republicanu al acabar la Guerra Civil, y en Méxicu desempeñó funciones igualmente destacaes, como direutor del Instituto Luis Vives. Dio a conocer estudios sobre la teoría de les sustituciones y los sistemes polares; ampliación y complementu de matemáticas, Geometría añalítica y Geometría descriptiva. Jiménez murió en 1957, mesmu año nel que expiró Ricardo Vinós Santos.

Referencies

↑ Ordóñez Alonso, Magdalena. «Científicos en el exilio» (castellanu). clio.rediris.es. Consultáu'l 27 de payares de 2017. «Figura en el listado de Ciencias Exactas»
↑ Abellán, José Luis; Monclús, Antonio (1989) El Pensamiento español contemporáneo y la idea de América, Asociación de Investigación y Especialización sobre Temas Iberoamericanos (Madrid, Spain) (en castellanu), Anthropos Editorial, páx. 146. ISBN 9788476581438. Consultáu'l 27 de payares de 2017.