Enrique Guiloche Y Bonet

De Wikipedia
Saltar a navegación Saltar a la gueta
Artículu revisáu
Enrique Guiloche Y BonetPicto infobox character.png
Vida
Nacimientu

Méntrida8  de mayu de 1874

[1]
Nacionalidá Flag of Spain.svg España
Muerte

18  de xunetu de 1909

[1] (35 años)
Causa de la muerte muerte en combate (es) Traducir
Estudios
Llingües castellanu
Oficiu
Oficiu militar
Serviciu militar
Graduación capitán
Lluchó en Guerra del Rif
Cambiar los datos en Wikidata

Enrique Guiloche Y Bonet (8  de mayu de 1874Méntrida - 18  de xunetu de 1909) foi un militar, gallardoniáu y héroe d'España.

Biografía[editar | editar la fonte]

Nació en Méntrida (Toledo) el 8 de mayu de 1874. A los 18 años ingresa na Academia Xeneral Militar, pasando, en 1892, a l'Academia d'Artillería. Termina los sos estudios en 1898, perteneciendo a la 183 Promoción.

Como Primer Teniente percuerre diverses unidaes de l'arma pa perfeccionar les sos conocencies sobre los distintos materiales y procedimientos operativos, emprestando los sos servicios nel Reximientu d'Artillería de Mahón, primero, Reximientu de Sitiu de Segovia, dempués y finalmente, nel Reximientu Montáu de Vicálvaro. En febreru de 1906, polos sos destacaos méritos profesionales, concédese-y la Cruz del Méritu Militar con distintivu blancu.

Xubíu a Capitán en payares de 1906, ye destináu a la Comandancia de Tropes de Melilla. De calter prestosu y resueltu, y con una escelente formación profesional, ye un eficaz collaborador del mandu artilleru de la Plaza, que conoz amás a la perfeición el Serviciu de Municionamiento. Entamada la Campaña del Rif el 18 de xunetu de 1909, Guiloche atopóse cola so Batería na posición de Sidi Ahmed el Hach. Entrada la nueche, la posición ye atacada polos rifeños, que llogren abrir fienda y dispónense a tomar les pieces de la Batería. Revólver en mano, xuntu al Comandante Royo, cuerre escontra la Batería. Guiloche consigue llegar a la 4ª pieza, un cañón de bronce estruyíu de 9 cm numberáu como 268.

Los asaltantes, repuestos de la sorpresa inicial, disparen a espetaperru. Guiloche, alcanzáu mortalmente en metá del pechu, va morrer abrazáu a la rueda del cañón. Pol so heroísmu foi-y concedida, el 22 d'abril de 1910, la Cruz de 1ª clase de la Orde de San Fernando. El cañón sobre'l que morrió foi unviáu al Muséu d'Artillería, calteniendo nél les buelgues que dexaron los disparos enemigos. Anguaño atópase depositáu nel Muséu del Exércitu.

Referencies[editar | editar la fonte]

Archivu históricu RAMIX-32:

Fueya de Servicios del Capitán D. Enrique Guiloche Y Bonet

Enllaces esternos[editar | editar la fonte]

  1. 1,0 1,1 Afirmao en: Diccionario biográfico español. Identificador del Diccionario Biográfico Español: 26709/enrique-guiloche-bonet. Apaez como: Enrique Guiloche Bonet. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data de publicación: 2011.