Enrique Breccia
Enrique Breccia | |
|---|---|
 | |
| Vida | |
| Nacimientu | Buenos Aires, 26 d'ochobre de 1945[1] (78 años) |
| Nacionalidá |
 Arxentina |
| Familia | |
| Padre | Alberto Breccia |
| Hermanos/es | Cristina Breccia |
| Estudios | |
| Llingües falaes |
aragonés[2] castellanu[3] |
| Oficiu | dibuxante d'historieta |
| IMDb | nm1298379 |
| enriquebreccia.it | |
 | |
Enrique Breccia (26 d'ochobre de 1945, Buenos Aires) ye un ilustrador y dibuxante de cómic arxentín. Ye reconocíu mundialmente nel ámbitu de la historieta por obres como Alvar Mayor, El Sueñero y recientemente ilustraciones pa la novela gráfica Lovecraft publicada por DC Comics.
Biografía[editar | editar la fonte]
Fíu del dibuxante Alberto Breccia, foi influenciáu por so padre dende neñu na pintura, el dibuxu y les historietes, al igual que les sos hermanes, Patricia y Cristina.
Collaboró con so padre na realización de dos obres trescendentales del xéneru: Mort Cinder y El Eternauta. Pa la primera concentróse nel labor téunicu del dibuxu y na segunda na creación de les situaciones de mayor pesadilla de la historia.
Profesionalmente entamó a finales de los años 1960 ilustrando noveles arxentines pa la editorial Difusión.
El so primer trabayu profesional foi la so collaboración en La vida del Che (1968), xunto con so padre y con guión de Héctor Germán Oesterheld. Los orixinales d'esta obra seríen quemaos más sero debido a la situación política qu'atravesaba'l país, una dictadura militar qu'atopaba nesta obra idees contraries a les suyes.[4]
En 1972 entamó una collaboración de 8 años, baxo seudónimu, na serie Spy 13 pa la editorial británica Fleetway. Nesi periodu fizo La leyenda de Thyl Ulenspiegel basada na adautación de Norberto Buscaglia de la obra de C. de Cóster (historia que quedó inconclusa), de onde provién l'estilu pal so personaxe más famosu, Alvar Mayor. Esi mesmu añu entamará a collaborar con ilustraciones pa la revista Billiken y los llibros de la Coleición Billiken. Nesta dómina trabaya pa la revista italiana Linus. Yá con guiones propios realiza obres de temática bélica.
Xunto a Scutti d'Ediciones Récor, realiza historietes que se vendíen n'Italia. En 1976 na revista Skorpio, d'Ediciones Récor, publica El buen Dios con guión de Carlos Trillo. Col mesmu guionista y a partir del númberu 36 de 1977 de la mencionada revista, entamen a asoleyar Alvar Mayor. En Récor trabayó xunto a guionistes como Guillermo Saccomano, Ricardo Barreiro y Walter Slavich.
Participó na revista Superhumor dende los sos entamos, en 1980. Xunto a Carlos Trillo (guión), fai Los enigmas del PAMI.
En 1983 y pa la revista D'artagnan d'Editorial Columba, dibuxa Ibáñez con guiones de Robin Wood.
En 1984, apaez nel mercáu la revista Fierro. Enrique asoleyó nella dende l'entamu. Ellí apaeceríen dos historietes reconocíes d'él, El cazador del tiempo, y en 1985, El Sueñero. Otres obres d'esta etapa son Metro-Carguero, con guiones d'Enrique y dibuxos de Cacho Mandrafina; y El reino azul, onde dibuxa, en color, los guiones de Carlos Trillo.
Dibuxó tamién la primera parte de la triloxía sobre Lope de Aguirre con guión de Felipe Hernández Cava qu'habríen de terminar Federico del Barrio y Ricardo Castells.
El so debut nos Estaos Xuníos foi con X-Force pa Marvel en 2000, la tapa de Legion Worlds, Uncanny X-Men y Batman: Gotham Knights pa DC comics. Por encargu del editor Karen Berger fizo les ilustraciones de la novela gráfica Lovecraft publicada por Vertigo Comics en 2003.
Referencies[editar | editar la fonte]
- ↑ Afirmao en: BD Gest'. Identificador BD Gest': 5650. Apaez como: Enrique Breccia. Data de consulta: 9 ochobre 2017. Llingua de la obra o nome: francés.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ Identificador CONOR.SI: 160890211. Afirmao en: CONOR.SI.
- ↑ Biografía d'Enrique Breccia na so páxina oficial
| Control d'autoridaes |
|
|---|
Datos: Q1154174
Multimedia: Enrique Breccia