Encefalitis

De Wikipedia


Encefalitis
Clasificación y recursos esternos
CIE-10 A83-A86, B94.1, G05
CIE-9 323
CIAP-2 N71
DiseasesDB 22543
MedlinePlus 001415
eMedicine emerg/163
MeSH D004660
Especialidá neuroloxía
Wikipedia nun ye un consultoriu médicu Avisu médicu 
[editar datos en Wikidata]

La encefalitis son un conxuntu d'enfermedaes producíes por una inflamación del encéfalu. Son abondo frecuentes, sobremanera en determinaes rexones del mundu, y prodúcense xeneralmente pola infeición de gran variedá de xermes como bacteries, ricketsies, espiroquetes, leptospires, parásitos, fungos y virus. Sicasí, cola esceición de los virus, la encefalitis suel ser un síntoma más, cuasi nunca'l más llamativu, dientro del cuadru clínicu de la enfermedá. De normal, cuando se refier a una encefalitis, faise como sinónimu d'encefalitis vírica.

Ente les encefalitis víriques, conócense más de cincuenta virus causantes d'encefalitis na especie humana. Los más importantes son los que producen encefalitis ensin trestornos sistémicos. Cuasi siempres la encefalitis ta acomuñada a una meninxitis, de manera que los dos síndromes, encefalitis y meninxitis, formen un espectru continuu (meningoencefalitis) provocáu polos mesmos virus, anque dellos virus pueden tener preferencia por dalguna d'estes llocalizaciones.

Los virus que producen encefalitis causen un síndrome común que dexa faer un diagnósticu clínicu, pero ye bien difícil faer un diagnósticu exactu en más de la metá de los casos, sacante nos casos particulares de determinaes rexones xeográfiques.

Síntomes de la encefalitis[editar | editar la fonte]

La encefalitis puede provocar dalgunu de los siguientes síntomes como:

  • Síndrome febril agudu.
  • Afectación meníngea, con meningismo o rixidez de nuca y cefalea.
  • Alteraciones de la conciencia, con letargia, que puede progresar al plasmu y coma.
  • Hemiparesia o signos focales motores con asimetría de reflexos y signu de Babinski positivu.
  • Sopelexes alcontraes o xeneralizaes.
  • Alteraciones del llinguaxe y afasia.
  • Movimientos anormales y temblón parkinsoniano bien raramente.
  • Signos cerebelosos y alteraciones sensoriales, auditives o visuales.
  • Diabetes insípida o secreción desaparente de ADH nos casos de afectación de hipotálamu o hipófisis.

Toos estos síntomes son debíos a mancadures focales o difuses de la sustancia gris o sustancia blanco del sistema nerviosu central.

Una de les pruebes qu'hai que realizar ye una punción lumbar na que s'analiza'l líquidu cefalorraquídeo qu'informa de meninxitis aséptica.

La evolución de la encefalitis trescurre al cabu de pocos díes a delles selmanes, con una mortalidá variable dependiente del axente víricu causal, dende'l 5% al 20%. Na quinta parte de los pacientes apaecen diverses remortines, como deterioru mental, cambeos na personalidá y alteraciones de los movimientos.

Tipos d'encefalitis[editar | editar la fonte]

Referencies[editar | editar la fonte]

Enllaces esternos[editar | editar la fonte]