Eloísa Martín Cantal
Eloísa Martín Cantal | |
|---|---|
| Vida | |
| Nacimientu | La Malahá[1], circa 1917[2] |
| Nacionalidá |
 España |
| Muerte | Víznar[2], 6 d'ochobre de 1936[2] (18/19 años) |
| Causa de la muerte |
muerte por disparo (es)  [2] |
| Oficiu | |
| Oficiu | modista |
 | |
Eloísa Martín Cantal (circa 1917, La Malahá – 6 d'ochobre de 1936, Víznar) foi una modista española, executada mientres la guerra civil española.[3][4]
Biografía
[editar | editar la fonte]Nacida en La Malahá, moraba en Granada cola so familia: la so madre Carmen, el so padre Francisco y los sos hermanos Nicolás, Francisca, Ceferino y Mario.[3] Yera modista d'oficiu.[5] Nenguna documentación rellacionábala con actividá política o sindical.[5] El 7 de setiembre de 1936, seis o siete homes allegaron a la casa familiar de la cai Navarrete, buscando al so hermanu mayor, Nicolás Martín Cantal, miembru del Partíu Socialista y de la UXT mientres la Segunda República española, que nesi momentu taba escondíu na casa d'una tía.[5][6] Finalmente, los homes llevaran a Eloísa Martín Canal en cuenta d'él.[5]
Foi internada na cárcel conventu para muyeres de la Cuesta de San Gregorio nel Albaicín.[5] El 6 d'ochobre de 1936 foi tresportada xuntu con otres 12 muyeres hasta'l ribayu de Víznar onde fueron executaes.[5][6] Eloísa Martín Canal yera la menor del grupu, finando a los 19 años d'un disparu que recibió a curtia distancia na cabeza.[5] Foi'l primer grupu de muyeres de les siquier 39 executaes nel ribayu de Víznar que los sos nomes se conseñaron.[6][7]
El so padre inscribió'l so fallecimientu en 1955.[5] En 2023, foi la primer muyer en ser identificada ente los executaos pol franquismu nel ribayu de Víznar pol equipu de la Universidá de Granada y la documentalista Silvia González Alcalde, especializada en represaliaes pol franquismu en Granada.[5][8] El 4 de xineru de 2025, entregáronse los sos restos mortales al so hermanu Mario.[5]
Homenaxes
[editar | editar la fonte]En payares de 2010, el nome d'Eloísa Martín Cantal foi incluyíu nuna placa instalada en memoria de les 12 muyeres executaes en Víznar, xunto al d'Ana Estévez Flórez, Ascensión Collante Rosillo, Teresa Gómez Juárez, Ascensión Garrido Jaimez, Adoración Muñoz María, Francisca Fernández Navarro, Candelaria Reyes Martín, Enriqueta García Plata, Josefa Puerta Salinas, María Delgáu Zapata y Encarnación Estévez Martín.[9]
En xineru de 2025, el Conceyu de Víznar realizó un homenaxe a Eloísa Martín Cantal mientres l'actu d'entrega de los sos restos mortales al so hermanu.[5]
Referencies
[editar | editar la fonte]- ↑ «'Mujeres fusiladas entre Víznar y Alfacar. ¿Quiénes eran? (I)' | El Independiente de Granada». Consultáu'l 4 xineru 2025.
- ↑ 2,0 2,1 2,2 2,3 «Los restos de Eloísa Martín Canal, granadina de 19 años ejecutada en 1936, vuelven con su familia». Consultáu'l 4 xineru 2025.
- ↑ 3,0 3,1 «'Mujeres fusiladas entre Víznar y Alfacar. ¿Quiénes eran? (I)' | El Independiente de Granada». www.elindependientedegranada.es. Consultáu'l 2025-01-04.
- ↑ «Eloisa Martín Cantal» (castellanu). Todos (...) los Nombres_. Consultáu'l 2025-01-04.
- ↑ 5,00 5,01 5,02 5,03 5,04 5,05 5,06 5,07 5,08 5,09 5,10 «Los restos de Eloísa Martín Canal, granadina de 19 años ejecutada en 1936, vuelven con su familia» (local). www.elsaltodiario.com. Consultáu'l 2025-01-04.
- ↑ 6,0 6,1 6,2 «Eloísa Martín Cantal, una joven vida truncada en Víznar | El Independiente de Granada». www.elindependientedegranada.es. Consultáu'l 2025-01-04.
- ↑ cecilio (2022-07-17). «Halladas por primera vez mujeres en las fosas de Víznar.» (castellanu). Todos (...) los Nombres_. Consultáu'l 2025-01-04.
- ↑ «La familia de Eloísa Martín Cantal recupera sus restos 89 años después de su ejecución por los golpistas | El Independiente de Granada». www.elindependientedegranada.es. Consultáu'l 2025-01-04.
- ↑ «Halladas por primera vez mujeres en las fosas de Víznar | El Independiente de Granada». www.elindependientedegranada.es. Consultáu'l 2025-01-04.
Enllaces esternos
[editar | editar la fonte]| Control d'autoridaes |
|
|---|
Datos: Q131642224