Elkarrekin Podemos

De Wikipedia
Saltar a navegación Saltar a la gueta
Elkarrekin Podemos
Voceru/a Lander Martínez
Fundación 2016
Sede País Vascu
Estáu Bandera d'España España
Páxina web elkarrekinpodemos.eus
Cambiar los datos en Wikidata

Elkarrekin Podemos («Elkarrekin» en euskera: «Xuntos» o «Xuníos») ye una coalición eleutoral española d'ámbitu vascu creada de cara a les eleiciones al Parllamentu Vascu de 2016. Ta formada por Podemos Euskadi, Ezker Anitza y Equo.[1]

Xestación de la candidatura[editar | editar la fonte]

Pili Zabala, cabeza de llista per Guipúzcoa de la candidatura eleutoral en 2016.

La coalición ta basada na realizada a nivel estatal pa les eleiciones xenerales d'España de 2016. En diches eleiciones la coalición Xuníos Podemos/Elkarrekin Ahal Dugu, consiguió ser la fuercia más votada nos trés circunscripciones vasques, imponiéndose tamién en númberu d'escaños. Vistu l'ésitu de la candidatura, los trés formaciones alcordaron reeditar la coalición p'allegar a les eleiciones vasques que se celebraríen el 25 de setiembre de 2016.

El 11 d'agostu de 2016, los trés formaciones ratificaron l'alcuerdu p'allegar conxuntamente a los comicios so la denominación Elkarrekin Podemos. El nome escoyíu ye similar al utilizáu pa les eleiciones xenerales, solo qu'en llugar de dixebrar la denominación en castellán y en euskera con una barra (Xuníos Podemos/Elkarrekin Ahal Dugu), decidieron xunir los dos denominaciones nuna usando una pallabra de cada idioma como símbolu de la riqueza llingüística del País Vascu.[1]

Como candidata a lehendakari escoyeron a Pili Zabala, quien yá fuera escoyida poles bases de Podemos-Ahal Dugu n'eleiciones primaries.[2]

Resultaos[editar | editar la fonte]

La coalición llogró un total d'once parllamentarios, lo que-yos convirtió na tercer fuercia con más representación nel Parllamentu Vascu, por detrás del Partíu Nacionalista Vascu y Euskal Herria Bildu, y per delantre del Partíu Socialista d'Euskadi y el Partíu Popular. D'esos once representantes dos son miembros de Ezker Anitza, unu de Equo y los ocho restantes de Podemos. Les resultaos, más refechamente, fueron los siguientes:[3]

Circunscripción   Cabeza de llista     Votos    Porcentaxe   Escaños   Posición 
Álava Cristina Macazaga 24 339 16,22 %
4/25
Guipúzcoa Pili Zabala 48 800 14,28 %
3/25
Vizcaya Lander Martínez 84 195 14,85 %
4/25
País Vascu Pili Zabala 157 334 14,86 %
11/75

Referencies[editar | editar la fonte]

  1. 1,0 1,1 «Elkarrekin-Podemos quier llegar al Gobiernu Vascu pa faer una política distinta». El Mundo (12 d'agostu de 2016). Consultáu'l 20 d'agostu de 2016.
  2. «Elkarrekin Podemos aportuna en que va tener que falar con EH Bildu y PSE de polítiques sociales y progresistes». eldiario.es (17 d'agostu de 2016). Consultáu'l 20 d'agostu de 2016.
  3. Departamentu de Seguridá del Gobiernu Vascu. «Resultaos de les Eleiciones al Parllamentu Vascu de 2016». Consultáu'l 15 d'ochobre de 2016.

Enllaces esternos[editar | editar la fonte]


Elkarrekin Podemos