Eliza Dushku

De Wikipedia
Saltar a navegación Saltar a la gueta
Eliza Dushku
Eliza Dushku
WW St Louis 2014 - Eliza Dushku (13768586685).jpg
Vida
Nome completu Элайза Патриция Душку, Eliza Patricia Dushku
Nacimientu

Watertown Traducir30  d'avientu de 1980

(38 años)
Nacionalidá Bandera de Estaos Xuníos d'América Estaos Xuníos
Familia
Casáu/ada con Peter Palandjian  (2018 -
Estudios
Estudios Universidá George Washington
Oficiu
Oficiu actriz, actriz de cine, actriz de televisión, actriz de voz y actriz de teatru
IMDb nm0244630
www.elizapatriciadushku.com
Cambiar los datos en Wikidata

Eliza Patricia Dushku (Watertown, Massachusetts, 30 d'avientu de 1980) ye una actriz d'Estaos Xuníos conocida pol so papel de Faith Lehane na serie televisiva Buffy la cazavampiros.

Biografía[editar | editar la fonte]

Mocedá[editar | editar la fonte]

Eliza Dushku ye fía de padre albanés y madre danesa. Dambos de creencies mormones, que se divorciaron enantes de nacer la so fía, quien nun profesa, al contrariu de los sos padres, dicha relixón.

Nel so niñez aprendió a tocar el pianu y allegó a clases de baille. Tien tres hermanos mayores, llamaos Aaron, Ben y Nate. Ésti postreru tamién se dedica a l'actuación, y coincidieron na serie Dollhouse.

Actriz[editar | editar la fonte]

Empecipió la so trayeutoria como actriz nel teatru, representando obres nel Watertown Children's Theatre, nel que tomó clases de interpretación.

En 1992 debutó nel cine cola comedia Aquella Nueche, títulu empobináu por Craig Bolotin que protagonizaba C. Thomas Howell y Juliette Lewis.

Con posterioridá actuó al llau de Leonardo DiCaprio en This Boy's Life (1993) del direutor Michael Caton-Jones. Tamién actuó xunto a Arnold Schwarzenegger y Jamie Lee Curtis en True Lies (1994), película empobinada por James Cameron.

En 1998, saltó a la fama al incorporase como'l personaxe de Faith Lehane, a la serie de televisión protagonizada por Sarah Michelle Gellar, Buffy la cazavampiros. Empezó a trabayar en dicha serie na so tercer temporada (1998/99), participando na cuarta (2000) y na séptima (2003), ya inclusive na primera y cuarta temporaes del spin-off de dicha serie, Angel (2000), a pesar de qu'el so personaxe diba morrer na tercer temporada de Buffy la cazavampiros. La bona acoyida ente los fans de la serie fixo que l'equipu de producción camudara d'idea y caltener, inclusive cuntando con ella nos últimos episodios de l'aclamada saga. Nel añu 2000 co-protagonizó xuntu con Kirsten Dunst la primer película de la serie Bring It On.

Dempués protagonizó la serie Tru Calling, emitida ente 2003 y 2005, y cancelada pola cadena Fox. En dicha serie coincidió, ente otros, con Shawn Reaves, A.J. Cook, Zach Galifianakis, Jessica Collins y Jason Priestley.

En avientu de 2005, participó nuna obra de teatru en Nueva York, Dog Sees God, xuntu con Eddie Kaye Thomas (American Pie), Ari Gaynor (The Sopranos, Mystic River), Ian Somerhalder (Lost, The Vampire Diaries), Logan Marshall-Green (The O.C.), Keith Nobbs (Última llamada), America La Ferrera y Kelli Garner (L'Aviador).

En 2009 protagonizó Dollhouse, una creación de Joss Whedon, onde mientres dos temporaes interpretó a Echo, protagonista principal de la serie televisiva.

Independientemente del so trabayu como actriz, tamién emprestó la so voz pa dellos trabayos audiovisuales; dio voz al personaxe de Faith nel videoxuegu Buffy the Vampire Slayer: Chaos Bleeds, al igual que tamién pal videoxuegu Fight Night Champion interpretando la voz de Meagan McQueen. Tamién dio voz al personaxe de Rubi Malone, protagonista del videoxuegu Wet. Foi la narradora d'un capítulu de Reading Rainbow, programa nel que famosos estauxunidenses lleen cuentos infantiles, nel relatu Unique Monique lo mesmo que de un audiu-novela, Everyone Worth Knowing.

Vida personal[editar | editar la fonte]

Dende ochobre de 2009 Eliza caltién una relación conn l'ex-xugador de baloncestu de Los Angeles Lakers, Rick Fox. N'agostu de 2010 anunciaron que se diben a vivir xuntos. En 2014 la pareya dixebróse.

Filmografía[editar | editar la fonte]

Series de televisión[editar | editar la fonte]

Videoxuegos[editar | editar la fonte]

Enllaces esternos[editar | editar la fonte]