Elisabet Canalias

De Wikipedia
Saltar a: navegación, buscar
Elisabet Canalias
Vida
Nacimientu

Olot21 d'avientu de 1979

(37 años)
Nacionalidá Bandera d'España España
Oficiu
Cambiar los datos en Wikidata

Elisabet Canalias Vila (21 d'avientu de 1979Olot) ye una matemática y inxeniera aeroespacial española especialista nel cálculu de trayectories interplanetaries, conocida pola so participación nes operaciones d'aterrizaxe de la sonda Philae sobre'l cometa 67P/Txuriúmov-Herassimenko. Na actualidá trabaya nel Centru Nacional d'Estudios Espaciales de Tolosa.

Trayectoria[editar | editar la fonte]

Llicenciada en matemátiques pola Universitat Politécnica de Cataluña y doctora en Inxeniería Aeroespacial, presentó la so tesis doctoral en 2007 sol títulu «Contribución al diseñu de misiones a los puntos de llibración utilizando variedaes invariantes hiperbóliques».[1][2] Dende entós y hasta el 2009 siguió la so investigación sobre esta tema con un contratu de posgrado na Axencia Espacial Europea.[3]

El 2010 formó parte del equipu d'operaciones de la Axencia Espacial Europea que fixo realizar a la sonda Rosetta el sobrevuelu del asteroide Lutetia[4] na so trayectoria escontra la cometa 67P/Txuriúmov-Herassimenko. A partir del 2013 pasó a formar parte del Centru d'Operaciones Científiques y de Saléu (SONC) de Philae na Axencia Espacial Francesa.[5] Como miembru del equipu de Dinámica del Vuelu (SONC-FD), participó nel analís de misión y a los cálculos de trayectoria que conducieron en 2014 a la elección de la rexón llamada Agilkia como llugar d'aterrizaxe de Philae.[6] Trabayó nel centru de control mientres les operaciones de separación, descensu y aterrizaxe de Philae, según nos estudios posteriores al rebote de la sonda sobre la superficie de la cometa.

Anguaño ye unu de les espertes de referencia na Axencia Espacial Francesa (CNES) polos estudios de trayectoria de les misiones interplanetaries con participación d'esta axencia (en particular les d'accesu a los pequenos cuerpos, como la misión MASCOT ). Forma parte igualmente del equipu d'operaciones pola puesta n'órbita de los satélites de saléu Galiléu.[7]

Referencies[editar | editar la fonte]

Elisabet Canalias