El viaxe

El viaxe
Datos

El viaxe ye una novela d'Antón García que ganó en 1986 el Premiu Xosefa Xovellanos. La novela representó nel momentu de la so publicación una novedá importante dientro de la narrativa asturiana nueva al incorporar elementos que remanecíen d'otres lliteratures, especialmente del realismu norteamericanu, asitiar la novela nel ámbitu urbanu y llograr una espresividá bona al traviés d'un llinguaxe cenciellu. La novela diba marcar el modelu llingüísticu del asturianu al ser la primera qu'usa un modelu de llingua urbano. El ritmu, la bona disposición sintáctiva y l'acertáu manexu del monólogu interior completen una novela de fácil y prestosa llectura.

Argumentu

La narración, con un argumentu simple, trescurre peles afueres d'una ciudá claramente identificada con Uviéu, siendo'l protagonista'l qu'en primer persona cuenta la historia de la so vida simplaya xunto coles alcordances que revive al dir atopándose con antiguos collacios nel viaxe alloriante a nenguna parte. Rescampla'l contraste sicolóxicu ente los dos personaxes principales, el mozu paráu y el violentu guardia de seguridá, Manuel Cazuela, que nun bar cualquiera -siendo conocíos namás de vista dende hai muncho- se saluden y empiecen un diálogu p'afogar la sociedá. Quemando la nueche, nuna especie de viaxe a nenyures, alléguense a otru bar, al xalé de Cazo y finalmente a un prostíbulu. El lentu trescurrir de les hores ente enfiles y periodos de llucidez traen al paráu l'alcordanza infantil del maltratu pol mayorón, tomando una decisión pela primer vez: vengase.

Enllaces esternos

• Wikimedia Commons tien conteníu multimedia tocante a El viaxe.

• Datos: Q13147120