El mozu azul
| The Blue Boy | |
|---|---|
.jpg) | |
| Tipos | pintura |
| Artista | Thomas Gainsborough |
| Añu | c. 1770 |
| Periodu | romanticismu |
| Xéneru | semeya |
| Estilu | romanticismu |
| Material | pintura al oleu y Llenzu |
| Dimensiones |
179,4 ( ) × 123,8 ( ) × 177,8 ( ) cm |
| Propietariu |
Hugh Grosvenor, 2nd Duke of Westminster (es)  Jonathan Buttall John Nesbitt John Hoppner Robert Grosvenor, 1st Marquess of Westminster (es) Joseph Duveen (es) Biblioteca Huntington (es) |
| Coleición |
Biblioteca Huntington (es) (San Marino) |
| Història | |
| Data | Fet destacat |
| 1796, 1802, 1809, 1921 | venta |
| Catalogación | |
| Códigu muséu | 21.1 |
| Sitiu web | https://www.huntington.org/blue-boy |
 | |
El mozu azul (n'inglés: The Blue Boy) (c. 1770) ye una pintura al oleu realizada por Thomas Gainsborough. Quiciabes la obra más famosa de Gainsborough, créese que ye una semeya de Jonathan Buttall (1752-1805), fíu d'un ricu comerciante, anque esto nunca foi demostráu. Trátase d'una semeya, al empar que d'un estudiu históricu del vestuariu de los mozos del sieglu XVIII, considérase que foi un homenaxe de Gainsborough a Anthony Van Dycksobremanera, ta bien cercanu a la semeya de Carlos I cuando yera neñu realizáu por Van Dyck, y que de xuru Gainsborough afayó xunto cola pintura de Rubens nes coleiciones del castiellu de Wilton que visitó col so amigu y mecenes Philip Thicknesse.[1]
Hai nicios de que Gainsborough yá pintara daqué nel llenzu antes d'empezar el El mozu azul. La pintura ta realizada nun llenzu bastante grande pa una semeya, pos mide 177,8 d'altor por 112,1 cm d'anchu. Atópase na Biblioteca Huntington, en San Marino (California)).[2]
Joshua Reynolds ante la vista de la semeya El mozu azul, escribió:
Toos esos arañazos y eses señales estrañes que, de miralos de cerca, son tan perceptibles nos cuadros de Gainsborough y qu'inclusive a pintores esperimentaos paécen-yos más bien l'efeutu del azar que la resultancia d'una intención, esi caos, esi aspeutu empuste ya informe, por una especie de maxa toma forma a cierta distancia, y toles partes paecen ponese nel so sitiu, de manera que podemos dexar difícilmente de reconocer el plenu efeutu de l'aplicación so l'apariencia del azar, de la priesa y de la neglixencia[...] Hemos de convenir en que los toques cortaos de Gainsborough contribuyeron enforma a la llixereza d'efeutu que constitúi una guapura notable de les sos pintures.[1]
Percorríu de la pintura[editar | editar la fonte]
La pintura tuvo en posesión de Jonathan Buttall, hasta que se declaró en bancarrota en 1796. Foi mercada pol políticu John Nesbitt y depués, en 1802, pol retratista John Hoppner. Alredor de 1809 El mozu azul entró na coleición del conde de Grosvenor onde se caltuvo hasta qu'unu de los sos descendientes el segundu duque de Westminster vender al marchante d'arte Joseph Duveen en 1921.[3]
En 1919, el cuadru inspiró al productor de cine alemán Friedrich Wilhelm Murnau pa crear el so debú nel cine con Der Knabe in Blau (El mozu azul).[4]
Nuna midida que provocó una protesta pública en Gran Bretaña, foi vendíu al empresariu Henry Edwards Huntington de la American Railway por 728.800 dólares, según l'alcuerdu col marchante Duveen,[5] un preciu entós récor pa cualquier pintura. Acordies con una noticia nel The New York Times, del 11 de payares de 1921, el preciu de compra foi de 640.000 dólares, lo cual supondría unos ocho millones nel 2010.[6] Antes de la so partida a California en 1922, El mozu azul foi espuestu de volao en la National Gallery de Londres, onde foi vistu por unes 90.000 persones, y el direutor de la Galería, Charles Holmes, escribió unes pallabres de despidida na parte posterior de la pintura: «Au Revoir, C.H.»[7]
Foi esti cuadru'l qu'influyó al artista pop Robert Rauschenberg escontra la so dedicación al arte de la pintura.[8] Asítiase na Biblioteca de Huntington enfrente del cuadru Pinkie del pintor Thomas Lawrence.
Referencies[editar | editar la fonte]
- ↑ 1,0 1,1 Morales y Marín, 1989, p. 400.
- ↑ «Jonathan Buttal: The Blue Boy (c 1770)». The Huntington Library. Archiváu dende l'orixinal, el 19 de xunu de 2010. Consultáu'l 7 d'avientu de 2009.
- ↑ "Duveens offer a Reynolds to Louvre," New York Times, 19 d'ochobre de 1921
- ↑ Bock, Hans-Michael (2009). Hans-Michael Bock, Tim Bergfelder: The concise Cinegraph: encyclopaedia of German cinema. Berghahn Books, páx. 334. ISBN 978-1-57181-655-9.
- ↑ Thorpe, James Ernest, Henry Edwards Huntington, A Biography, Berkeley: University of California Press, 1994, p. 438.
- ↑ «WolframAlpha conversion».
- ↑ «"Blue Boy's" Transfer Begins in Secrecy». The New York Times. 26 de xineru de 1922. http://query.nytimes.com/mem/archive-free/pdf?_r=1&res=9Y00Y6DC1531EF33A25755C2A9679C946395D6CF. Consultáu'l 7 d'avientu de 2009.
- ↑ «The Invincible Robert Rauschenberg». Obit Magacín (16 de mayu de 2008). Archiváu dende l'orixinal, el 22 de xunetu de 2009. Consultáu'l 6 d'avientu de 2009.
Bibliografía[editar | editar la fonte]
- Morales y Marín, José Luis (1989). Historia Universal del Arte. Barrocu y Rococó.Volume VII. Barcelona: Planeta. ISBN 84-320-6687-7.
Enllaces esternos[editar | editar la fonte]
Wikimedia Commons acueye conteníu multimedia sobre El mozu azul.- http://www.gardenofpraise.com/art39.htm BLUEBOY by Thomas Gainsborough 1727-1788 (n'inglés)
Datos: Q604761- Multimedia: The Blue Boy (Gainsborough)