El Terrat

De Wikipedia
Saltar a navegación Saltar a la gueta

El Terrat de Produccions, S.L., más conocia por '"El Terrat"', ye una productora audiovisual catalana. Radicada en Barcelona, fundóse en 1989 pol humorista y periodista Andreu Buenafuente, y ye'l nucleu del '"Grup Empresarial El Terrat (G.E.T.)"'. Abarca diversos ámbitos: radio, televisión, prensa, internet, teatro y publicidá.

Debe'l so nome a un programa de radio (1989) d'Andreu Buenafuente, humorista y periodista, primero emitíu en Radio Reus y dempués na SER Catalunya. Una vegada pasó a TV3, El Terrat foi responsable de los programes que presentó: "Sense Títol", "La Cosa Nostra" y "Una Altra Cosa". Tamién produxo otros como "Fent Amics", "Set de nit", "12 punts" y "Plats Bruts", asina como especiales de fin d'añu de TV3.

En 1996 publicó El Terrat: una tontería, llibru sobre'l trabayu nel programa de radio mentáu. En collaboración con otres editoriales publica llibros de monólogos y artículos de Buenafuente, que'l so ésitu ye palpable: Sense llibre, Digue'm agosarat, Hem de parlar, Lo dudo mucho y No sé si m'explico, ente otros. Les ediciones son billingües, en castellán y en catalán, como ye'l casu del so últimu llibru: He dicho/He dit.

En 2001 produxo'l so primer espectáculu teatral, con Paz Padilla: Ustedes se preguntarán cómo he llegado aquí -a partir d'esto espublizó una biografía de l'actriz col mesmu títulu. Foi tan exitosu que hubo una xira pel país. Otros espectáculos son Comando a distància, Sotinho (Edu Soto), y anguaño La vida mata (David Fernández Ortiz, Fermí Fernandes y Raúl Cimas). Tamién produxo Cómicos de barra, espectáculu de café teatru con humoristes como Raúl Cimas, Carlitos y María José Hipólito.

Col tiempu introdúxose na televisión nacional. En 2001 produxo "La última noche" (late show) y "Moncloa, dígame" (serie) pa Telecinco, con ciertu ésitu. Pero la so implantación definitiva foi n'Antena 3, con "Homo Zapping" (2003 y "Buenafuente" 2005), el más popular. Nesta cadena estrenaron tamién la serie "Divinos (2006)".

Tamién caltrió en cadenes autonómiques como ETB y Telemadrid. Nesta última produxo'l magacín sobre sexu "Me lo dices o me lo cuentas", que fizo popular en televisión a Lorena Berdún. El Terrat innovó y meyoró'l formatu con "Dos Rombos" (TVE) y, recientemente, "Todos a 100" (laSexta).

Ye amás sociu del Grupu Audiovisual de Medios de Producción, consorciu propietariu de laSexta. Nesta cadena produz anguaño tres programes: "Ticket", magazine de cultura y ociu, "Todos a 100", y "A pelo", programa d'humor con Raúl Cimas y Joaquín Reyes.

El merchandising de «El Terrat» no ye únicamente d'ámbitu editorial, sinón qu'apuerta tamién al CD y al DVD. En 1997 l'equipu del programa de radio grabó un discu de canciones, El Terrat ja canta. Otros discos grabaos son Un Altre Disc, col equipu de "Una Altra Cosa" y Carlitos, y Qué pasa, neng, con varios artistes del progressive y con Edu Soto interpretando al so célebre personaxe. En 2003 lanzó el DVD El Terrat: 13 anys, recopilando lo meyor de los sos programes.

El Terrat de Producciones xestiona sus dos webs principales: elterrat.com y elterrat.net. La primera ye la de la productora audiovisual, pero incluúi tamién información diario sobre les demás actividaes (teatro, internet, etc.) La segunda vien a ser una memoria de tolos proyeutos. Otres webs al so cargu son andreubuenafuente.com y pazpadilla.com. Pero'l so proyeuu d'Internet más conociu ye Captura.org, proyeutu de divulgación de la fotografía dixital. Nesta iniciativa d'Andreu Buenafuente y Santi Millán participen famosos como Mikel Urmeneta, Edu Soto, Francesc Fábregas, José Corbacho, Javier Coronas o Jon Sistiaga.

Un de los sos últimos proyeutos ye "Cromosomos", en collaboración con Kukuxumusu. Consiste nel diseñu de camisetes orixinales, que los sos beneficios son destinaos a ONGs. Cada añu sedrá una ONG distinta, en 2006 tratóse d'Arrels Fundació.

El Terrat distínguese por facer un humor más espontaneu ya interactivu qu'otres productores. La improvisación tien bastante pesu ensin restalu a los guionistes. Los presentadores y actores "dialoguen" col públicu, siendo'l propiu Buenafuente exemplu d'esto. Y los sos conteníos resulten más audaces y satíricos. Con ciertu prexuiciu, el so estilu táchase d'"humor catalán", cuando l'humor cínicu practícase fuera de Cataluña y fuera d'España.

Programas de televisión[editar | editar la fonte]

N'emisión

  • "Buenafuente" (La Sexta)(Continúa col capítulu 304 siguiendo los que fizo en Antena 3)
  • "Homo Zapping" (Antena 3)
  • "Todos a 100" (laSexta)
  • "A pelo" (laSexta)
  • "Lo Cartanyà" (3a. temporada) (TV3)


Emitíos nel 2008


Emitíos nel 2007

Emitíos nel 2006

Teatru[editar | editar la fonte]

En cartel

  • "La vida mata" (payares de 2006 en Barcelona y próxima xira nel 2007)

Finalizaos

  • "Comando a distancia"
  • "Sotinho"

Actores y trabayadores de "El Terrat"[editar | editar la fonte]

Esta llista incluúi persones que trabayaren o trabayen pa El Terrat, o que participaren activamente en dalgun de los sos programes. Anguaño trabayen más de 300 persones en El Terrat.