El Llapiceru

De Wikipedia
Saltar a: navegación, buscar

El Llapiceru foi una revista de cómic editada en Xixón pola asociación Conceyu Bable.

Entamó la so andadura nel añu 1988 y taba dirixida pol actor y asturianista Lluis Antón González que tamién collaboró na revista con delles historietes. Esta revista supuso pa munchos autores mozos asturianos la oportunidá de ver asoleyaos por primera vez los sos trabayos. Ente los collaboradores habituales de la publicación tan dibuxantes como Alberto Álvarez Peña (autor, igualmente, de munches de les portaes de la revista), Miguel Solís Santos, Neto, Ígor Medio, Ruma Barbero, Javier Marinas ...

Nel añu 1991 El Llapiceru creó un concursu de cómic nel que los trabayos ganadores yeren publicaos pola revista.

El Llapiceru algamó los 16 númberos, llegando la so andadura hasta l'añu 1997. Nel 2008, coincidiendo col vixésimu aniversariu de la revista, fízose una edición de los númberos asoleyaos entamada por Conceyu Bable y l'Atenéu Cultural Xuan María Acebal.