El Cine, 5
El Cine, 5  | |
|---|---|
| Datos | |
| Xéneru | documental |
| País d'orixe | España |
| Estrenu | 2023 |
| Duración | 88 min |
| Ficha téunica | |
| Direición | Elisa Cepedal |
| Guión | Elisa Cepedal |
| Compañíes | |
| Productora | De La Piedra Producciones |
| Enllaces esternos | |
| Ficha en FilmAffinity | |
 | |
El cine, 5 ye una película documental española de 2023 dirixida y escrita por Elisa Cepedal. La obra ye un calón na memoria colectiva de Los Barreros, un pueblín mineru d’Asturies, contrastando’l so pasáu de resistencia y solidaridá col so paisaxe post-industrial d’anguaño. Ye tamién el pueblu onde nació la directora.
Argumentu
[editar | editar la fonte]Depués de zarrar el Pozu Carrio, símbolu del fin d’una industria que marcó’l calter d’un pueblu, Los Barrerros enfréntase a la despoblación y l’escaezu. A partir del archivu fotográficu de so güelu, Corsino García Alonso, fotógrafu y mineru, la cineasta criada en Los Barreros, Elisa Cepedal, retrata la vida nesi llugar asturianu ente finales de los años sesenta y principios de los setenta, un tiempu nel que los mineros teníen qu’aunise pa salir alantre.
El percorríu per dalgunes semeyes nes que se pue ver a xente del pueblu acompáñase coles voces de muyeres vieyes a les que nunca-yos veremos la cara pero que recuerden quién fueron les persones qu’apaecen retrataes. La voz en off esplica non solo la historia d’aquellos habitantes de Los Barreros del pasáu, tamién cómo yera entós la vida nes mines, les güelgues, la represión, la solidaridá y les lluches que constituyeron el día a día.[1]
Premios y reconocimientos
[editar | editar la fonte]- Premiu Europa Film Festivals del Festival Internacional de Cine de Xixón 2023.[2]
- La revista A Cuarta Parede conseña la película nel llistáu de les meyores películes de 2023: El cine como artesanía, el montaxe como cuestionamientu de la imaxe.[3]
Recepción
[editar | editar la fonte]La película encara la entruga: "¿Cómo representar a un pueblu que ta a puntu de desapaecer, del que queda poco, si nun desapaeció yá?" Céntrase nel llugar de Los Barreros, na cuenca minera asturiana. El documental desentierra la historia de resistencia y solidaridá del pueblu demientres el tiempu de la posguerra y la dictadura franquista. Pa ello, la directora encóntase en dos elementos principales: los testimonios orales de los habitantes y l’archivu d’un fotógrafo local, colos que reconstrúi la memoria colectiva d’esta comunidá. Esti pasáu contrapónse al paisaxe post-industrial actual, en desaniciu.FICX[4]
Referencies
[editar | editar la fonte]- ↑ «EL CINE, 5». 2024.
- ↑ «Laboral Cinemateca Ambulante Mieres: "El Cine, 5", de Elisa Cepedal». Ayuntamientu de Mieres. Consultáu’l 13 de payares de 2025.
- ↑ A Cuarta Parede (29 d’avientu de 2023). «Lo mejor de 2023 - A Cuarta Parede» (n’inglés). Consultáu’l 13 de payares de 2025.
- ↑ «El cine, 5». Festival Internacional de Cine de Gijón/Xixón. Consultáu’l 13 de payares de 2025.
Enllaces esternos
[editar | editar la fonte]
| Control d'autoridaes |
|
|---|
Datos: Q136805563