El Cabo
 El Cabo | |
|---|---|
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Carreño |
| Parroquia | Priendes |
| Partíu xudicial | Xixón |
| Tipu d'entidá | aldea |
| Demografía | |
| Población | 43 hab. (2024) |
| Porcentaxe | 39.45% de Priendes |
 | |
El Cabo[1] ye una entidá de población de la parroquia de Priendes, nel conceyu asturianu de Carreño.
L'INE establez qu'El Cabo ye una aldea de 43 habitantes (2024)[2]. El so códigu de referencia ye 33 014 100300. [3]
Alcuéntrase a una distancia de Candás, capital del conceyu, de 4,50 km. Tien una altitú máxima de 65 m sobre'l nivel del mar. Pal añu 2010 contaba con 21 viviendes, 15 principales y 6 non principales. [4]
Topónimu
[editar | editar la fonte]Fala Xosé Lluis García Arias que
- "Un deriváu'l llatín CAPUT ‘cabeza’, ‘estremu’ (OLD) tenemoslu na espresión asturiana el cabu que cuando la Edad Media tovía caltenía l'aceición de ‘cabeza de ganáu’ y, posteriormente, la de llugar alloñáu, estremu o final. D'esi mou dicimos d'una casa que ta al cabu’l pueblu o de una persona arruinada que ta al cabu la calle. Na nuestra toponimia apaez:
- Cabo (Ll), El Cabu (Cñ, Llv, Ce), El Cau (Llg), Cao (Ay), Cabos (On), Los Cabos (Ce, Pr)."[5]
Sitios d'interés
[editar | editar la fonte]El Molín d'El Cabo
[editar | editar la fonte]Esti molín[6], asitiáu nel barriu d'El Cabo, data del añu 1875.
Tien una planta de 5 m. X 4 m., cubierta de vertiente a dos agües de teya y cementu, muries de carga de mampostería y arcu abiertu embaxo la planta baxa, pa permitir el pasu l'agua. Na parte superior ta la vivienda. L'accesu fáise por una pasarela sobre'l calce.
Pertenez a Armando García García.
La fuente'l Güeyu
[editar | editar la fonte]Esta fuente[7], rehabilitada en 2008 por un taller d'empléu, ta nel barriu d'El Cabo.
Ye de tres caños (anque solo funciona ún), con bebederu y llavaderu adosaos. El frontón ye semicircular.
Referencies
[editar | editar la fonte]- ↑ «Espediente colos topónimos oficiales de Carreño». BOPA.
- ↑ Nomenclátor del INE: Población del padrón continuo por unidad poblacional. (Institutu Nacional d'Estadística).
- ↑ Nomenclátor del INE, 2011
- ↑ Nomenclator de la SADEI
- ↑ Xose Lluis García Arias, "Toponimia Asturiana"
- ↑ Páxina del Ayuntamientu de Carreño
- ↑ Páxina del Ayuntamientu de Carreño
Enllaces esternos
[editar | editar la fonte]| Control d'autoridaes |
|
|---|
Datos: Q1323911