Egoi Martínez

Egoi Martínez
Vida
Nacimientu	Etxarri Aranatz, 15 de mayu de 1978 (45 años)
Nacionalidá	España
Residencia	Etxarri Aranatz
Estudios
Llingües falaes	castellanu
Oficiu
Oficiu	ciclista
Trayeutoria
	Participante Vuelta a España ; Tour de Francia ; Tour de Francia 2012 ; Tour de Francia 2011 ; Tour de Francia 2010 ; Vuelta a España 2013 ; UCI World Tour 2013 (209.); UCI World Tour 2012 (128.); UCI World Ranking 2009 (es) (206.); UCI World Ranking 2010 (es) (258.); UCI ProTour 2006 (es) (97.); UCI ProTour 2007 (es) (137.) ;
Pesu	71 kg
Altor	183 cm
	egoimartinez.iespana.es

Egoi Martínez de Esteban (15 de mayu de 1978, Etxarri Aranatz) ye un ex-ciclista navarru.

Biografía[editar | editar la fonte]

Ciclismu xuvenil y aficionáu[editar | editar la fonte]

Egoi dio les sos primeres pedalaes nel Club Ciclista Aralar, onde llueu dio muestres de la so clase, y viose compensáu con innumberables victories n'esquiles, cadetes y xuveniles.

Debutó n'aficionaos de la mano d'Óscar Guerrero na Caxa Rural (Club Ciclista Burunda) de Alsasua. Nél, tres unos duros empiezos, adulces foi forxándose un nome, recoyendo unes cuantes victories, ente elles la Vuelta a Lleón en 2001.

Compartió carreres con otros futuros ciclistes profesionales , del entós pelotón aficionáu navarru, como Jon Bru, Xabier Zandio y Koldo Gil ente otros.

Estes victories xunto a la so gran clase como rodador, xuníes a la so impresionante planta nun pasaron desapercibíes pa los equipos porfesionales.

Ciclismu profesional[editar | editar la fonte]

La promesa naranxa[editar | editar la fonte]

Fixo'l so debú como profesional nel añu 2002 col equipu Euskaltel-Euskadi col que ganó'l Tour de l'Avenir en 2003.

Nel Discovery de Bruyneel[editar | editar la fonte]

En 2006 pasó al equipu americanu Discovery Channel de Johan Bruyneel (l'equipu y el direutor colos que Lance Armstrong ganara'l Tour de Francia en siete causes consecutives: 1999-2005). Nel so debú na formación estauxunidense consiguió ganar una etapa y la clasificacioón del monte na Vuelta a España , rematando 12ᵘ na clasificación xeneral.

En 2007 foi unu de los gregarios d'Alberto Contador mientres el Tour de Francia, quien finalmente llogró'l maillot mariellu de ganador de la xeneral. Egoi, 61ᵘ na xeneral, xubió al podiu de los Campos Elíseos xunto al restu de los sos compañeros al proclamase tamién ganadores na clasificación por equipos.

A pesar de los ésitos alcanzaos pol equipu, la retirada de Discovery Channel como patrocinador principal y l'imposibilidá de topa-y un relevu favoreció la desapaición de la formación. Fízose oficial entós que volvería vistir el maillot naranxa del Euskaltel-Euskadi.

Torna al Euskaltel[editar | editar la fonte]

En 2008 empecipió la so nueva andadura nel equipu de casa ganando la clasificación del monte na Vuelta País Vascu, la carrera de casa de la formación vasca. En setiembre asitióse líder de la Vuelta a España, portando'l maillot oru mientres cuatro xornaes, siendo asina'l primer ciclista del Euskaltel-Euskadi en ser líder nuna de les grandes vueltes, hasta la etapa con final nel Angliru (onde foi desbancado del lideralgu por Alberto Contador, a lo postrero ganador final d'esa Vuelta). Egoi Martínez foi finalmente novenu na xeneral, llogrando la so meyor clasificación hasta entós nuna carrera de tres selmanes.

En 2009 empecipió llueu la temporada. Asina, en marzu ganó'l monte de la Tirrenu-Adriatico, y díes dempués dexóse ver na xubida al Poggio (un recuestu asitiáu cerca de la meta) na Milán-Sanremo. N'abril ganó la clasificación de meter volantes de la Vuelta al País Vascu. Dempués realizó un parón pa preparar el Tour de Francia, incluyendo unos díes d'entrenamientos nos Pirineos. Na Grande Boucle tuvo una destacada actuación, al convertise nel líder provisional del monte tres la última etapa pirenaica (gracies a la so presencia nuna fuga entemedia que-y dexó sumar los puntos necesarios nel Tourmalet), siendo asina'l primer ciclista del Euskaltel en llucir el maillot de llunares colloraos. En metiéndose nuna nueva fuga pa defender la so maillot, díes dempués Franco Pellizotti (Liquigas) -y desbancó en dicha clasificación, siendo l'italianu quien finalmente se proclamó rei del monte y xubió por tanto al podiu de París, ente que Egoi tuvo que conformase col segundu puestu. Pero más tarde, Franco foi descalificáu y el maillot de llunares pasó a ser de Egoi.

Despidida[editar | editar la fonte]

El 28 d'avientu de 2013 anunció la so retirada del ciclismu tres doce temporaes como profesional y con 35 años d'edá.^[1]

Palmarés[editar | editar la fonte]

2003

Tour de l'Avenir

2006

Clasificación del monte de la Vuelta a España , más 1 etapa

2009

Clasificación del monte nel Tour de Francia

Resultaos en Grandes Vueltes y Campeonatos del Mundu[editar | editar la fonte]

Mientres la so carrera deportiva consiguió los siguientes puestos nes Grandes Vueltes y nos Campeonatu del Mundu en carretera:

Carrera	2002	2003	2004	2005	2006	2007	2008	2009	2010	2011	2012	2013
Giro d'Italia	-	-	-	-	-	-	-	-	-	-	-	22ᵘ
Tour de Francia	-	-	41ᵘ	48ᵘ	41ᵘ	60ᵘ	50ᵘ	44ᵘ	40ᵘ	34ᵘ	17ᵘ	-
Vuelta a España	-	-	-	46ᵘ	12ᵘ	Ab.	9ᵘ	52ᵘ	Ab.	-	-	30ᵘ
Mundial en Ruta	-	-	-	-	-	-	-	-	-	-	-	Ab.