Edward Ellis

De Wikipedia
Saltar a navegación Saltar a la gueta
Edward Ellis
Edward Ellis35mm film frames.svg
Vida
Nacimientu

Coldwater12  de payares de 1870

[4]
Nacionalidá Bandera de Estaos Xuníos d'América Estaos Xuníos
Muerte

Beverly Hills26  de xunetu de 1952

[4] (81 años)
Causa de la muerte infartu de miocardiu
cáncanu de próstata
Familia
Hermanos/es
Oficiu
Oficiu actor, actor de teatru, guionistaactor de cine
IMDb nm0254818
Cambiar los datos en Wikidata

Edward Mayne Ellis (12 de payares de 187026 de xunetu de 1952) foi un actor teatral y cinematográfico de nacionalidá estauxunidense, conocíu sobremanera poles sos actuaciones en The Thin Man, filme nel que fixo'l papel del títulu, y A Man to Remember.

Biografía[editar | editar la fonte]

El so nome completu yera Edward Mayne Ellis, y nació en Coldwater, Michigan, siendo'l segundu fíu de Edward C. Ellis, un dramaturgu y actor, y Ruth McCarthy Ellis, una actriz. La so hermana mayor yera l'actriz teatral y escritora Edith Ellis.

El so debú como actor teatral tuvo llugar en 1879 en Chicago, y la so primer actuación como adultu llegó en 1905 cola obra Mary and John. A lo llargo de la so carrera teatral viaxó polos Estaos Xuníos, actuando, componiendo y produciendo obres pal circuitu de Broadway, y actuando tamién n'Inglaterra. Ente les obres escrites por él figura la pieza de 1934 Affair of a Gentleman.

Nel cine interpretó principalmente papeles de repartu, siendo los sos únicos primeros personaxes los qu'encarnó en Main Street Lawyer (1939), A Man to Remember (1938) y Three Sons (1939), una versión del filme de Lionel Barrymore Sweepings (1933). En total trabayó en 38 películes, pero quiciabes ye más recordáu pol so papel de xérif en Roxura, el de tíu de Shirley Temple en Little Miss Broadway y el papel principal de A Man to Remember. Tamién foi conocíu'l so papel de Clyde Wynant nel ésitu protagonizáu por William Powell en 1934 para Metro Goldwyn Mayer The Thin Man. La so última actuación cinematográfica tuvo llugar en The Omaha Trail (1942), como Mr. Vane.

Ellis tuvo de volao casáu cola actriz Josephine Stevens dende 1917 hasta mediaos los años 1920. Tuvieron un fíu, Robert (Bobbie) Ellis, nacíu en 1918.[5] Edward Ellis finó en 1952 por causa de un infartu agudu de miocardiu en Beverly Hills, California. Tenía 81 años d'edá.

Filmografía[editar | editar la fonte]

Referencies[editar | editar la fonte]

  1. 1,0 1,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
  2. 2,0 2,1 Afirmao en: SNAC. Identificador SNAC Ark: w6z62f5z. Apaez como: Edward Ellis (actor). Data de consulta: 9 ochobre 2017. Llingua de la obra o nome: inglés.
  3. 3,0 3,1 Afirmao en: Internet Broadway Database. Identificador de persona d'Internet Broadway Database: 39475. Apaez como: Edward Ellis. Data de consulta: 9 ochobre 2017. Llingua de la obra o nome: inglés.
  4. 4,0 4,1 Afirmao en: Find a Grave. Identificador Find a Grave: 144644674. Apaez como: Edward Mayne Ellis. Data de consulta: 9 ochobre 2017. Llingua de la obra o nome: inglés.
  5. http://immortalephemera.com/24987/1112-edward-ellis/

Enllaces esternos[editar | editar la fonte]