Edsger Dijkstra

De Wikipedia
Saltar a navegación Saltar a la gueta
Edsger Dijkstra
Edsger Wybe Dijkstra.jpg
Vida
Nacimientu Róterdam11  de mayu de 1930
Nacionalidá Bandera de Países Baxos Reinu de los Países Baxos
Llingua materna Neerlandés
Fallecimientu

Nuenen Traducir6  d'agostu de 2002

(72 años)
Causa de la muerte Cáncer colorreutal
Estudios
Estudios Universidá de Leiden 1956) : Física
Gymnasium Erasmianum Traducir 1948)
Universidá d'Ámsterdam 1959) Philosophiæ doctor : Informática
Direutor/a de tesis Adriaan van Wijngaarden Traducir
Llingües Neerlandés
inglés
Oficiu
Oficiu matemáticu, físicu, informáticu teóricu, inxenieru y profesor universitariu
Empleadores Centrum Wiskunde & Informatica Traducir  (1952 -  1962)
Universidad Técnica de Eindhoven Traducir  (1962 -  1984)
Burroughs Corporation Traducir  (1973 -  1984)
Universidá de Texas n'Austin  (1984 -  1999)
Premios
Miembru de Real Academia d'Artes y Ciencies de los Países Baxos
Academia Estauxunidense de les Artes y les Ciencies
Association for Computing Machinery
Cambiar los datos en Wikidata

Edsger Wybe Dijkstra (Rotterdam, 11 de mayu de 1930Nuenen, 6 d'agostu de 2002) foi un informáticu holandés. En 1972 diéron-y el premiu A. M. Turing poles contribuciones fundamentales que fizo na estaya de los llinguaxes de programación.

Dijkstra estudió física teórica na Universidá de Leiden. Trabayó pa Burroughs Corporation, la Universidá Teunolóxica d'Eindhoven y la Universidá de Texas n'Austin. Retiróse nel añu 2000.

Ente les mayores contribuciones de Dijkstra a la informática tán l'algoritmu del camín más curtiu (nomáu Algoritmu de Dijkstra) o'l semáforu, una ferramienta pa sincronizar programes.

Otra de les contribuciones más remembraes de Dijkstra foi l'artículu Go To Statement Considered Harmful, espublizáu en 1968, nel que criticaba l'emplegu de la orde goto en programes d'ordenador. Esti artículu considérase perimportante nel desendolcu de la programación estructurada, ún de los primeros pasos fasta la inxeniería del software. Tamién trabayó n'otros proyeutos importantes, como'l primer compilador pal llinguaxe ALGOL 60. Dempués trabayó na estaya de la verificación formal de programes.

Amás d'investigador científicu, Dijkstra foi un home con gran pruyíu pola enseñanza, qu'exerció n'universidaes como la de Eindhoven o la d'Austin (Estaos Xuníos); dizse que yera un escelente profesor.

Dijkstra morrió de cáncer en 2002. Munchos de los sos escritos caberos (fechos con pluma) escaniáronse dempués y alcuéntrense n'internet.

Enllaces esternos[editar | editar la fonte]