Editorial Galaxia

De Wikipedia
Saltar a navegación Saltar a la gueta
Editorial Galaxia
editorial
Almacén de Editorial Galaxia na Rúa Numancia de Vigo.jpg
Llocalización
Sede Vigo
Direición España
Historia
Fundación25 xunetu 1950
Web oficial
Cambiar los datos en Wikidata

La Editorial Galaxia ye una editorial que ñaz en Galicia en 1950 por dellos intelectuales gallegos. Tien la so sede en Vigo y, anguaño'l so presidete ye Francisco Castro Velloso.

Historia[editar | editar la fonte]

Finada la guerra civil española apenes se publicaben llibros en Galicia y muncho menos en gallegu. La edición, igual que la resistencia político-cultural, fízose nesti periodu principalmente n'América (México, Uruguai, Arxentina), alredor de figures cómo Castelao, Manuel Ponte, Arturo Cuadráu o Luis Seoane, motores de la producción editorial nel esiliu. En 1949 publicóse en Pontevedra la coleición de poesía Benito Soto, promovida por Sabín Torres, Manuel Cuña Novás, Emilio Álvarez Negreira y Celso Emilio Ferreiro. Poles mesmes feches salieron los primeros títulos de Bibliófilos Galegos, y más la Editorial Monterrey, de la mano de Luis Viñas Cortegoso y Xosé María Álvarez Blázquez, empobinada mayormente escontra la edición de bibliofilia. El proyeutu Galaxia consolidóse, d'ente toes elles, como'l más estable y el de más continuidá, y constituyó la referencia obligada del rexurdimentu de l'actividá intelectual na Galicia interior.

El Partíu Galeguista del interior consideró qu'había qu'aprovechar les escases posibilidaes qu'ufiertaba'l franquismu pa desenvolver la llingua y lliteratura gallega y el mesmu pensamientu galleguista, n'abierta contradicción del galleguismu del esiliu, y asina'l 25 de xunetu de 1950 se cellebró nel mesón del hotel Compostela, en Compostela, l'asamblea fundacional de la Editorial Galaxia. Presidida por Ramón Otero Pedrayo, el Patriarca de les Lletres, y cola presencia de personalidaes singulares del galleguismu, como Manuel Gómez Román, secretariu del Partido Galeguista. La Editorial Galaxia convirtióse nel núcleu principal de la resistencia cultural y política del galleguismu, obligáu a la clandestinidá y al esiliu dempués de la guerra civil. Francisco Fernández del Riego, Xaime Isla Couto y Ramón Piñeiro foron les trés personalidaes que dende'l primer momentu empobinaron la editorial, comprometida cola recuperación de la llingua y de la cultura gallega, nos tiempos difíciles de la dictadura.

El primer llibru publicáu por Galaxia foi Antífona da cantiga, de Ramón Cabanillas, que salió del prelo n'abril de 1951.

La idea foi de Xaime Isla, que la tenía bien pensada y bien ellaborada, y cuntó cola collaboración perconducente de Paco del Riego, que yá fuera l'alma del suplementu de "La Noite". Foi Xaime Isla quien pensó en da-y a Galaxia la forma d'una sociedá mercantil, col so conseyu d'alministración correspondiente, pa integrar nesti al equipu representativu del galleguismu, esto ye, Otero Pedrayo como presidente, Gómez Román como vicepresidente, Paco del Riego como secretariu, Xaime Isla como conseyeru delegáu, y yo mesmu como direutor lliterariu. Más o menos la direición del partíu.

Ramón Piñeiro en Casar: Da miña acordanza

La resistencia galleguista diseñó dempués un programa d'aición cultural y política que fructificó sobremanera nes siguientes xeneraciones.

Na so coleición Isla Nova (1957), pensada pa dar cabida a los escritores nuevos, publicáronse les obres más representatives de la conocida cómo la nueva narrativa gallega qu'anovó la narrativa gallega de posguerra.[1]

Presidentes del Conseyu d'Alministración[editar | editar la fonte]

Ocuparon el cargu:

Carauterístiques[editar | editar la fonte]

La ufierta de Galaxa tien calter xeralista, como correspuende a una editorial que, siguiendo a los sos principios fundamentales, intenta caltener activu'l procesu de modernización de la sociedá llectora, incorporando temes, xéneros, nueves propuestes y nueves llínies de trabayu ya investigación. El so proyeutu se concreta en coleiciones de clásicos, traducciones de grandes autores de la lliteratura universal, poesía, ensayu, guíes d'ociu y temátiques ambientales, llibros de viaxes, lliteratura infantil y xuvenil, gastronomía...; y resumiendo, algama dende la creación lliteraria y el pensamientu la didáutica y los materiales de referencia escolar, como manuales, diccionarios etc.

La Editorial Galaxia tien publicaos unos 2.800 títulos,[2] de los cualos la metá yá tán descatalogaos. Desde 1963 edita trimestralmente Grial. Revista galega de cultura.

Premios[editar | editar la fonte]

La editorial recibió la Medaya d'oru de Galicia en 2008, otorgada pol gobiernu gallegu[3]. En 2010 recibió tamién el Premiu Cultura Gallega a la Promoción Cultural de Galicia, tamién otorgáu pola Xunta de Galicia.

Referencies[editar | editar la fonte]

  1. Dolores Vilavedra, Hestoria de la lliteratura gallega, Galaxa, 1999. pág. 253-255
  2. Error de cita: La etiqueta <ref> nun ye válida; nun se conseñó testu pa les referencies nomaes GPD
  3. Galaxia, Medalla de Galicia pola súa contribución á cultura galega Archived 2013-12-03 at the Wayback Machine, A Nosa Terra, 3/7/08.

Enllaces esternos[editar | editar la fonte]