Economía de la República Democrática d'El Congu

La economía de la República Democrática d'El Congu - nación dotada de vastos recursos naturales - sigue en lenta recuperación dempués d'años de decadencia. La corrupción sistémica dende la independencia'l 1960, combinada con una inestabilidá tremada y un conflictu empecipiáu nos años 1990 producieron un dramáticu amenorgamientu de la producción nacional y de los ingresos del gobiernu, y ampliaron la delda esterna. Escasamente poblada en rellación al so territoriu, la República Democrática d'El Congu ye llar d'una vasta fonte de recursos naturales y bayura mineral.

Agricultura

L'agricultura ye'l sofitu principal de la economía, axuntando'l 57,9% del PIB en 1997. El café, aceite de palma, cauchu, algodón, azucre, té y cacáu son dalgunes de les principales colleches. Les colleches de comida inclúin yuca, plátanu malayu, maíz, maní y arroz. En 1996, l'agricultura emplegaba al 66% de la fuercia llaboral.La gran mayoría de la población de la rexón dedícase a actividaes agrícoles de subsistencia. Dáu'l llindáu desenvolvimientu del mercáu de trabayu tocantes a especialización de mano d'obra, les estadístiques sobre actividaes económiques de la población aproven información tamién llindada. Sicasí, del analís d'estos datos puede llegase a delles conclusiones tocantes a la disponibilidad de recursos humanos pa los proyeutos de desenvolvimientu económicu a ser entamaos.

Minería

Rica en minerales, la República d'El Congu tien una hestoria complicada cola estracción mineral, lo que causó munches confrontaciones dientro del país por delles décades, pero particularmente nos noventa.

La industria, especialmente la d'esplotación minera, ye una gran fonte potencial de bayura pal Congu. En 1997, la industria cuntaba col 16,9% del PIB. El Congu ye'l cuartu país de mayor producción de diamantes dende los ochenta, y los diamantes siguen apoderando les esportaciones, sumando 717 millones de dólares y el 52% de les esportaciones en 1997. Los intereses principales de cobre y cobaltu son apoderaos por Gecamines, compañía minera del Estáu. La producción del Gécamines taramelló n'años recién, en parte pola fuerte competitividá nel mercáu mundial del cobre.

L'actualidá

Les condiciones ameyoraron depués en 2002 col retiru d'una llarga porción de les tropes invasores estranxeres. De nuevu, comisiones del FMI y el Bancu Mundial axuntáronse col gobiernu pa desenvolver un plan económicu coherente, y el Presidente Kabila empezó la implementación de reformes. Los datos del PIB son víctima de munches mentires al respective de l'actividá económica. Con paz relativa nel país mientres 2003, la República Democrática d'El Congu apuntó a amontar les sos esportaciones d'eletricidá a Zimbabue y Sudáfrica de 210 a 500 Megavatios (sobremanera dende les Preses de Inga). La distribución llétrica nel Congu ye llicenciada a Zambian company, CEC.

Notes

• Datos: Q2333351
• Multimedia: Economy of the Democratic Republic of the Congo