Economía de Letonia

De Wikipedia
Saltar a navegación Saltar a la gueta
Economía de Letonia
Moneda Euro
Organizaciones comerciales de les que fai parte OMC, Xunión Europea
Datos estatísticos[1]
PIB 49.89 mil millones (2015)
Posición del PIB 110ª nel mundu[2]
Crecimientu del PIB 2,2% (2015)
PIB per cápita $ 24 500 (2015)
PIB por sector agricultura 3.4%, industria 23.2%, servicios 73.4% (2010)
Inflación 0.7% (2015)
Población per baxo de la llinia de la probeza datu nun disponible
Total de la fuercia de trabayu 993 500 (2015)
Fuercia de trabayu por sector agricultura 8,8%, industria 24%, servicios 67,2% (2010)
Desemplegu 8.7% (2015)
Industries procesamientu d'alimentos, procesamientu de madera, têxteis, procesamientu de metales, fármacos, material ferroviario, hebras sintétiques, electrónicos
Parceríes comerciales[1]
Esportaciones 13.33 mil millones (2015)
Productos d'esportación alimentos, madera y derivaos, metales, máquines y equipamientos, testiles
Principales mercaos Lituania 17.7%, Rusia 14.7%, Estonia 11,2%, Alemaña 6.6%, Polonia 6.2%, Suecia 5.1%, Reinu Xuníu 4.1% (2014)
Importaciones 16.4 mil millones (2015)
Productos d'importación máquines y equipamientos, bienes de consumu, productos químicos, combustibles, vehículos
Principales mercaos Lituania 17%, Alemaña 11%, Polonia 10.9%, Rusia 7.7%, Estonia 7,7%, Finlandia 5.8%, Italia 4,1% (2014)
Finances públiques[1]
Débida esterna 40.5 mil millones (2015)
Recetes 9 394 millones (2015)
Desembolsos 9 707 millones (2015)
Subestación d'electridá en Daugavpils.

La economía de Letonia básase principalmente na agricultura y nes industries testil y siderometalúrxica. Anguaño, el turismu perfílase como una importante fonte de ingresos gracies al patrimoniu históricu del país. La so transición a una economía de mercáu ta provocando ciertes perturbaciones (10% de paru y déficit presupuestariu) y sacrificios nes polítiques sociales.

Dende'l 1 de xineru de 2014 la moneda nacional ye l'Euru.[3] Antes yera'l Lats.

La economía letona foi una de les más dinámiques de los nuevos socios de la Xunión Europea, con una medría del 6,7% (datu revisáu) nel 2005 y una crecedera del 7% nel 2006.

De la crisis económica de 2008 a l'actualidá[editar | editar la fonte]

Letonia foi unu de los países de la Xunión Europea (UE) más afeutáu pola crisis pero, al nun tar na Eurozona, la so suerte atraxo menos l'atención de los medios d'información. Hasta entós Letonia beneficiárase d'un sector bancariu dinámicu, mayoritariamente en manos de los bancos suizos y de la Comunidá d'Estaos Independientes (CEI). La molición d'Estocolmo ante les consecuencies de la crisis impulsó a los bancos suecos a garantizar los depósitos de les sos filiales letones na seronda de 2008, lo que condergó al mayor bancu letón, Parex Banka, a una quiebra virtual y obligó al gobiernu de Letonia a nacionalizarlo en payares de 2008.

Dempués, el país beneficióse d'una ayuda conxunta del Fondu Monetariu Internacional (FMI) y de la UE de 7.500 millones d'euros y llevó a cabu una política de retayos del gastu públicu, los salarios y les xubilaciones, pa evitar la devaluación. Esta cura d'austeridá -la más severa de la UE- dio los sos frutos y llogró estabilizar relativamente la situación. Dempués de qu'en 2009 el PIB cayera un 17,5 por 100, en febreru de 2010 les axencies de calificación revaluaron la situación del creitu en Letonia y pasaron de considerala negativa a estable.

La situación siguía siendo comprometida pal gobiernu de Valdis Dombrovskis. L'índiz de desempléu yera'l más altu de la UE (22,8 por 100 en febreru de 2010) y l'emigración yera bien fuerte. Cuestionabase a la clase política y un partíu sofitáu mayoritariamente polos habitantes rusófonos (el Centru de la Concordia) llogró l'alcaldía de Riga en xunu de 2009, per primer vegada dende la independencia en 1991. Per otra parte, el gobiernu del primer ministru quedó en minoría'l 22 de marzu de 2010, cuando'l Partíu del Pueblu abandonó la coalición.

A partir de 2010, la situación ameyoró y en 2012, la economía letona creció'l 5,6%, anque nun se recuperaron los valores previos a la crisis. El Fondu Monetariu Internacional destacó a Letonia como exemplu del ésitu de les polítiques económiques anticrisis basaes nel retayu de gastos.[3]

Referencies[editar | editar la fonte]