Economía d'Irán

De Wikipedia
Saltar a: navegación, buscar
Economía d' Irán
Moneda Rial iranín
Organizaciones comerciales de les que fai parte OCE, OPEP, OMC (observador)
Datos estatísticos[1]
PIB 1 459 mil millones (2016)
Posición del PIB 19ª nel mundu[2]
Crecimientu del PIB 4,5% (2016)
PIB per cápita $ 18 100 (2016)
PIB por sector agricultura 9,1%, Industria 39,9%, servicios 51%
Inflación 8% (2016)
Población per baxo de la llinia de la probeza 18,7% (2007)
Total de la fuercia de trabayu 29 750 000 (2017)
Fuercia de trabayu por sector agricultura 16,3%, industria 35,1%, servicios 48,6%
Desemplegu 10,7% (2016)
Industries petrolera, petroquímica, fertilizantes, soda cáustica, automóviles, fármacos, electrodomésticos, electrónica, telecomunicaciones, enerxía, testiles, construcción, cementu y otros materiales de construcción, alimentos (en particular refináu de azucre y aceites vexetales), materiales ferrosos y non-ferrosos, armamentu
Parceríes comerciales[1]
Esportaciones 87,52 mil millones (2016)
Productos d'esportación petróleu 80%, productos químicos y petroquímicos, frutes y nueces, automóviles, alfombres, minerales
Principales mercaos República Popular de China 22,4%, India 8,7%, Turquía 8,5%, Xapón 4,5% (2015)
Importaciones 62,12 mil millones (2016)
Productos d'importación suministros industriales, bienes de capital, alimentos y otros bienes de consumu, servicios técnicos
Principales mercaos Emiratos Árabes Xuníos 39,5%, República Popular de China 22,3%, Corea del Sur 4,7%, Turquía 4,6% (2015)
Finances públiques[1]
Débida esterna 7 116 millones (2016)
Recetes 65,87 mil millones (2016)
Desembolsos 72,29 mil millones (2016)

La economía d'Irán ye una economía mista en transición que caltien un avolumáu sector públicu, amenorgáu nos últimos años d'un 80% per debaxo del 50%.[3] La economía iranina ta apoderada pola producción d'hidrocarburos, magar na Bolsa de Teherán operen más de 40 empreses industriales.[4] Ye una de les poques grandes economíes del mundu que, por causa del so relativu aislamientu de los fluxos internacionales de capital, nun resultó gravemente afectada de la crisis financiera de 2008.[5]

Pola so paridá de poder adquisitivu, Irán ocupa'l decimoséptimu puestu ente los países del mundu, ente que nun escalafón de países per productu internu brutu nominal, ocupa la ventiavu quinta posición.[6] El país foi incluyíu en 2005 por Goldman Sachs na llista de los «Próximos once».

Especificidá única del sistema económicu iranín ye la esistencia de grandes fundaciones relixoses (bonyad) qu'arrexunten empreses que los sos presupuestos sumaos suponíen a principios de la década de 2000 escontra'l 20% del PIB nacional.[7]

El sector priváu de la economía iranina ta llindáu por una política de control de precios y de subsidios centrada nos alimentos y l'enerxía. Dende 2010, el gobiernu de Mahmud Ahmadineyad dirixe un programa de reformes económiques —el de mayor valumbu dende la introducción d'un sistema dual de racionamientu de gasolina en 2007— empobináu a promover una economía de mercáu sustituyendo les subvenciones a productos de consumu por ayudes a persones precisaes.[8]

La mayor parte de les esportaciones iranines y de los ingresos del estáu son de petróleu y gas natural. En 2010 constituyeron el 80% de los ingresos de divises —dexando algamar unes reserves de más de 80.000 millones de dólares en marzu d'esi añu— y el 60% del presupuestu total del estáu.[9][10] En 2012, les sanciones al comerciu internacional d'Irán impuestes pol Conseyu de Seguridá de les Naciones Xuníes, Estaos Xuníos y l'Unión Europea pola mor del programa nuclear iranín amenorgaron les esportaciones petroleres iranines hasta un nivel envaloráu como'l más baxu dende 1986, en plena guerra Irán-Iraq.[11] En septiembre de 2012, la cotización de la divisa iranina algamara un mínimu históricu de 23.900 riales por dólar estauxunidense.[12]

Referencies[editar | editar la fonte]

  1. CIA. «The World Factbook». Consultáu'l 28 de mayu de 2017.
  2. https://www.cia.gov/library/publications/the-world-factbook/rankorder/2001rank.html
  3. «Iran privatizes $63bn of state assets» (en inglés)
  4. «Iran offers incentives to draw investors» (en inglés)
  5. Parsi, Massoud (22 de mayo de 2010).
  6. Fondo Monetario Internacional (abril de 2012). «Gross domestic product, current prices» (inglés). Consultáu'l 10 de mayu de 2013.(inglés). Consultáu'l 10 de mayo de 2013.
  7. Molavi, Afshin (2006).
  8. Atieh Bahar (20 d'ochobre de 2008). «Resources- Economic Indicators» (n'inglés). Archiváu dende l'orixinal, el 23 de payares de 2015.
  9. Solomon, Jay; Farnaz Fassihi (23 de octubre de 2010).
  10. «Iran oil exports top 844mn barrels» (en inglés).
  11. Bird, David (29 de abril de 2013).
  12. «Iran's currency falls to record low against dollar» (n'inglés).