ECOSAM

ECOSAM
	asociación (es)
Llocalización
Sede	Samartín del Rei Aurelio
Direición	España

ECOSAM (Empresarios y Comerciantes de Samartín del Rei Aurelio) ye una asociación del sector del comerciu a la que se foron incorporando establecimientos del sector servicios y hostelería del conceyu.

Implantación[editar | editar la fonte]

Intégrense n'ECOSAM establecimientos del comerciu, profesionales que presten servicios y llocales d'hostelería de los distritos de Sotrondio, Blimea y L'Entregu.

La sede de l'asociación ta asitiada nel Edificiu de Servicios Municipales dientro del Parque de La Laguna, na población de L'Entregu.

Funciones[editar | editar la fonte]

Amás de defender los intereses de los asociaos, ECOSAM pretende ser un axente dinamizador social y económicu. Pa ello ta implantando'l Plan Estratéxicu de Comerciu de Samartín del Rei Aurelio dende l'añu 2008, col que busca algamar la dinamización, meyora y modernización del comerciu, ociu y servicios del conceyu.

Pa llevar a cabu esti trabayu ECOSAM profesionalizó la xestión de l'asociación y de forma continua lleva a cabu aiciones y campañes pa dinamizar les ventes en varios momentos del añu, fai que los socios se promocionen de forma conxunta, mantiénlos informaos sobre ayudes y normativa y ufiérta-yos asesoramientu en redes sociales. Amás, tien firmaos alcuerdos con empreses suministradores de servicios fixos col envís d'abaratar costes a los socios.

Oxetivos[editar | editar la fonte]

Col cambiu esperimentáu pola clientela del pequeñu comerciu nos últimos años ECOSAM tien como oxetivos la meyora y modernización del pequeñu comerciu, aplicando los nuevos sistemes comerciales y de xestión más eficientes, les nueves canales de promoción y ventes, el marketing, etc.

El trabayu pa xunir los estremaos sectores de comerciu, servicios y entretenimientu ye otru de los oxetivos marcaos.

Emplegu de la llingua asturiana[editar | editar la fonte]

ECOSAM ta convirtiéndose nuna de les poques organizaciones empresariales qu'emplega la llingua asturiana en dalgunes de les sos actividaes, principalmente venceyaes al sector hosteleru. Samartín del Pinchu y Samartín de les Tortielles son dalgunos d'esos exemplos de normalización llingüística y qu'amás son productos d'ésitu de ventes y aceutación por parte de la ciudadanía.

Referencies[editar | editar la fonte]

Enllaces esternos[editar | editar la fonte]