Duncan Jones

De Wikipedia
Saltar a: navegación, buscar
Duncan Jones
Duncan Jones by Gage Skidmore 3.jpg
Jones na Convención Internacional de Cómics de San Diego en 2015.
Nome real Duncan Zowie Haywood Jones
Nacencia 30 de mayu de 1971
Bromley, Londres, Inglaterra, Reinu Xuníu
Otros nomes Joe Jones, Joey Jones
Pareya/es Rodene Ronquillo (2012 - actualidá)
Ficha en IMDb

Duncan Zowie Haywood Jones (Kent, Inglaterra, 30 de mayu de 1971),[1] tamién conocíu como Zowie Bowie o Joey Bowie, ye un direutor de cine británicu ganador del premiu BAFTA. La so película más destacada ye Moon (2009). Ye fíu del cantante David Bowie.

Infancia y vida familiar[editar | editar la fonte]

Duncan nació nel hospital de Beckenham en Kent. Ye fíu únicu del matrimoniu formáu por David Bowie (nome real David Robert Jones, 1947-2016) y la so primera esposa, Angela Bowie (de nacencia Mary Angela Barnett, 1949). La so nacencia inspiró al so padre a escribir el cantar "Kook" incluyíu nel so álbum Hunky Dory.[2] Duncan Jones ye mediu hermanu de Alexandria "Lexi" Zahra Jones (2000), del segundu matrimoniu del so padre cola modelu Iman, y de Stacia Larranna Celeste Lipka (1980), frutu de la rellación de la so madre col músicu Drew Blood. Tien amás una hermanasca, Zulekha Haywood (1978), que ye fía de la so madrastra Imán y el so primer home, el xugador de baloncestu de la NBA Spencer Haywood.

Jones col so padre David Bowie nel so debú con Moon.

De neñu Jones vivió en Berlín, Londres y Vevey (Suiza) onde fixo'l primer y segundu grau na Commonwealth American School. Cuando David y Angela se divorciaron en febreru de 1980, David Bowie recibió la custodia de Duncan Jones cuando tenía 9 años (y yera conocíu como Zowie), y visitaba a la so madre mientres les vacaciones. A la edá de 14 años foi matriculáu na prestixosa escuela escocesa Gordonstoun.

Estudios[editar | editar la fonte]

En 1995 graduóse con nivel de llicenciáu en Filosofía na Universidá de Wooster, onde foi rexistráu col nome de «Duncan Jones».

Volvió a entamar los sos estudios de nivel de «PhD degree» na Universidá Vanderbilt en Tennessee, pero dexóla antes de terminar pa retomar los sos estudios na Escuela de Cine de Londres, onde se graduó como direutor.

Filmografía y premios[editar | editar la fonte]

La primera película de Jones, Moon, foi nomada a siete premios de cine independiente británicu y ganó dos, dambos pa Jones. Tamién foi nomáu a dos premios BAFTA en 2010, ganando solamente unu. Nel Festival Internacional de Cine de Sitges de 2009 llevóse cuatro premios, ente ellos los de meyor película y meyor actor pa Sam Rockwell.[3] Amás tamién foi nomáu a otros diecinueve premios.

Proyectos[editar | editar la fonte]

Jones ta planificando una continuación de Moon que sirva d'epílogu. «Sam ta d'alcuerdu en faer un cameo na próxima película.» dixo Jones, qu'espera faer tres películes que sigan la serie de Moon.

Tamién reveló que va faer otra película de ciencia ficción llamada Mute, que tien llugar nel futuru Berlín y que ta inspirada en Blade Runner.

Enllaces esternos[editar | editar la fonte]

Referencies[editar | editar la fonte]

  1. Buckley, David (2005). en Virgin Publishing: Strange Fascination – David Bowie: The Definitive Story, Revised & Updated, 90. ISBN 0-7535-1002-2. «On 30 May 1971, Bowie's son, Duncan Zowie Haywood Jones, was born in Bromley Hospital.»
  2. Graham, Caroline (8 d'agostu de 2009). «Zowie Bowie: How a son of rock royalty survived a bitter rift with his mother to earn genuine success». The Daily Mail (Londres: dailymail.co.uk). http://www.dailymail.co.uk/tvshowbiz/article-1205175/Zowie-Bowie-How-son-rock-royalty-survived-bitter-rift-mother-earn-genuine-success.html. Consultáu el 13 de xineru de 2016. 
  3. Rockwell y Jones, protagonista y direutor de 'Moon': "Rodamos rápido, nun había perres", 20minutos, 13 d'ochobre de 2009, consultáu el 13 de xineru de 2016.
  4. http://www.vandal.net/noticia/1350645419/desvelado-el-reparto-de-la-pelicula-de-world-of-warcraft/ Vandal, consultáu el 13 de xineru de 2016.