Dravograd
 Dravograd | |
|---|---|
 | |
| Alministración | |
| País |  Eslovenia |
| Conceyu | Conceyu de Dravograd |
| Tipu d'entidá | ciudá |
| Nome oficial | Dravograd (sl) |
| Nome llocal | Dravograd (sl) |
| Códigu postal |
2370 |
| Xeografía | |
| Coordenaes | 46°35′24″N 15°01′05″E / 46.59°N 15.018°E |
  Dravograd Dravograd (Eslovenia)  | |
| Superficie | 2.4 km² |
| Altitú | 367 m y 357 m |
| Demografía | |
| Población |
3088 hab. (1r xineru 2020) - 1554 homes (1r xineru 2020) - 1534 muyeres (1r xineru 2020) |
| Porcentaxe | 100% de Conceyu de Dravograd |
| Densidá | 1286,67 hab/km² |
| Más información | |
| Estaya horaria |
UTC+01:00 (horariu estándar) UTC+02:00 (horariu de branu) |
| ww.dravograd.si | |
 | |
Dravograd, d'antiguu hasta 1952 llamada Traberk (alemán: Unterdrauburg) ye una llocalidá y conceyu n'Eslovenia. Dravograd pertenez a la rexón estadística de Carintia.
Historia
[editar | editar la fonte]El llugar yá taba pobláu na dómina romana. Los primeros propietarios de la zona fueron la Casa de Sponheim, siguida pol monesteriu benedictín de St. Paul im Lavanttal (fundáu en 1091). Nos terrenes del monesteriu construyóse un castiellu, que mentase en 1177 como castrum Trahburck. En 1185, l'asentamientu foi mentáu como un ciudá de mercáu.
L'asentamientu foi atacáu polos húngaros en más d'una ocasión, pero la mayoría de les vegaes viose amenaciáu polos otomanos. Nos sieglos XVIII y XIX, les reformes y la revolución industrial provocaron cambeos considerables. Traberk convirtióse nun importante nuedu ferroviariu y de carreteres, con un gran puertu fluvial nel ríu Drava.
En 1941, los ocupantes alemanes empezaron la construcción d'una central hidroeléctrica nel ríu Drava p'abastecer a la industria militar, que completóse en 1944. Sufrió daños nun bombardéu n'abril de 1945, pero finalmente foi restauráu en 1955 y sigue en funcionamientu anguaño.
Xeografía
[editar | editar la fonte]Dravograd asitiase na confluencia de los ríos Drava, Meža y Mislinja y ta arrodiada de llombes. Tien una superficie de 2,4 km² na que viven un total de 3088 habitantes (1 xineru 2020)[1][2], alcuéntrase a unos 362 metros sobre'l nivel del mar.
L'asentamientu ta asitiáu en dambes veres del ríu Drava. Les dos partes de la ciudá tán conectaes por una ponte. Antes de la construcción de la llinea ferrial, yera un puertu pa balses y chaikes.
Cultura
[editar | editar la fonte]La ilesia católica medieval n'honor a San Vitu foi construyida ente 1167 y 1171. Mentase per primer vegada en 1177. Cuando l'antigua ilesia quedóse pequeña, nel sieglu XIV construyóse una ilesia n'honor a Xuan l'Evanxelista, d'estilu góticu tardíu.
Entá se caltienen les ruines de dos castiellos medievales (Traberk y Pukštanj).
La casona barroca de Bukovje alluga una colección de museu sobro la Guerra de los Diez Díes (1991). Nel suétanu del edificio alministrativu del conceyu tamién hai una colección de muséu qu'amuesa les actividaes de la Gestapo mientres la ocupación alemana.
Personaxes pernomaos
[editar | editar la fonte]- Nejc Pečnik (1986–), futbolista
Referencies
[editar | editar la fonte]- ↑ «Prebivalstvo - izbrani kazalniki, naselja, Slovenija, letno». Statistical Office of the Republic of Slovenia. Consultáu'l 28 abril 2021.
- ↑ censu de población
Bibliografía
[editar | editar la fonte]- Moder, Olga; Koropec, Jože; Curk, Jože (1985) Dravograd 1185–1985 : 800 let. Dravograd: Conceyu Dravograd.
- Škerjanc, Smiljana (1969). Pot čez Kozjak. Maribor-Dravograd. Maribor: Planinsko društvo Maribor-Matica.
Enllaces esternos
[editar | editar la fonte]
Wikimedia Commons acueye conteníu multimedia sobre Dravograd.
- «Dravograd na stičišču poti» (eslovenu). Koroški pokrajinski muzej. Consultáu'l 20.4.2026.
