Dorothea Lange

De Wikipedia
Saltar a: navegación, buscar
Dorothea Lange en 1936

Dorothea Lange (Hoboken, New Jersey, 26 de mayu de 1895; San Francisco, California, 11 d'ochobre de 1965) foi una influyente fotógrafa documental y fotoperiodista estaunidense, bien conocía polos sos trabayos de la dómina de la Gran Depresión pa la Farm Security Administration (FSA). Les fotografíes de Lange humanizaron les consecuencies de la Depresión y influyeron notablemente nel desarrollu de la fotografía documental.

Primeros años[editar | editar la fonte]

Dorothea nació nel somantu d'una familia d'emigrantes alemanes, el 26 de mayu de 1895, poniéndose-y el nome de Dorothea Margaretta Nutzhorn. Eliminó'l so segundu nome y asumió l'apellíu de soltera de so madre depués de que so padre abandonara a la familia cuando ella tenía 12 años, unu de los dos incidentes traumáticos que marcaron la so vida. L'otru foi la enfermedá de la polio que tuvo a los siete años que-y dexó la pierna derecha debilitada y con una coxera permanente.

Carrera[editar | editar la fonte]

Lange's 1936, Migrant Mother, Florence Owens Thompson
Neños na Escuela Pública Weill en San Francisco n'abril de 1942

Lange recibió la so formación en materia fotográfica na Universidá de Columbia en Nueva York, nuna clase impartida por Clarence H. White. Foi una aprendiz informal en dellos estudios fotográficos de Nueva York, incluyendo'l del famosu Arnold Genthe. En 1918, treslladóse a San Francisco, y al añu siguiente abrió un exitosu estudiu de retratos.[1] Vivió al otru llau de la bahía de Berkeley, California, el restu de la so vida. En 1920, casóse col pintor Maynard Dixon, col que tuvo dos fíos, Daniel, nacíu en 1925, y John, nacíu en 1930.

Col entamu de la Gran Depresión, Lange pasó del estudiu a la cai. Los sos estudios de personas desempleaes y ensin llar llamaron l'atención de fotógrafos locales que fueron contrataos pola federal Administración de Reasentamientu (RA, poles sos sigles n'inglés), más más sero llamada Farm Security Administration (FSA).

N'avientu de 1935, divorcióse de Dixon y casó col economista Paul Schuster Taylor, profesor d'Economía na Universidá de California, Berkeley. Taylor instruyó a Lange n'asuntos sociales y políticos y xuntos documentaron la probitú rural y la explotación de los aparceros y los trabayadores migrantes a lo llargo de los cinco años siguientes; Taylor entrevistando y recopilanado datos económicos, y Lange tomanado fotos.

Alministración del Reasentamientu[editar | editar la fonte]

De 1935 a 1939, la obra de Dorothea Lange pa l'Alministración de Reasentamientu (RA poles sos sigles n'inglés) y la FSA traxo l'abegosa situación de los probes y escaecíos - en particular los aparceros, ls families campesines desplazaes y los trabayadores migrantes - a l'atención pública. Distribuidu de balde a los periódicos de tol país, les sos conmovedores imáxenes convirtiéronse n'iconos de la dómina.

La imaxen más conocida de Lange titúlase "Madre Migrante". [2] la muyer de la foto ye Florence Owens Thompson. La foto orixinal contó col pulgar y el dedo índiz de Florence, nel poste de la tienda, pero la imaxen foi posteriormente retocada pa ocultar el pulgar de Florence. El so deu índiz dexóse intactu (abaxo a la derecha na foto).

Depués de que Lange regresara a so casa, contó-y al editor d'un periódicu de San Francisco les condiciones nel campamentu y dio-y dos de les sos fotos. L'editor informó a les autoridaes federales y asoleyó un artículu qu'incluyía les fotos. Como resultáu, el gobiernu entainó a ayudar al campo pa evitar la fame.

Según el fíu de Thompson, Lange tien dellos detalles d'esta historia equivocaos, pero l'impactu de la fotografía sofítase na imaxen qu'amuesa la fuerza y les necesidaes de los trabayadores migrantes[3].

Internamientu d'americano-xaponeses[editar | editar la fonte]

Güelu y nietu en Manzanar Relocation Center.

En 1941, Lange algamó una beca Guggenheim pola escelencia na fotografía. Depués del ataque a Pearl Harbor, dexó'l prestixosu premiu pa grabar la evacuación forzada de los americano-xaponeses de la costa oeste, decretada pola Autoridá de Reasentamientos de Guerra (WRA poles sos sigles n'inglés). Cubrió l'asentamientu d'amercano xaponeses[4] y el so posterior encarcelamientu, viaxando a través de zones urbanes y rurales de California pa fotografiar families que se preparaben pa salir, visitando dellos centros de concentración temporales, destacando Manzanar, el primeru de los campos d'internamientu permanentes. Gran parte del so trabayu centróse na espera y la incertidumbre qu'implica la eliminación:. Montones d'equipaxe a la espera de ser ordenados, families llevando etiquetes d'identificación y espera pal tresporte. Pa munchos oservadores la so fotografía de los neños americano xaponeses prometiendo llealtá a la bandera, poco anantes de que fueren enviaos al campu ye una acordanza inquietante d'esta política de detener a persones ensin acusalos de dalgún delitu o ensin permiti-yos ninguna apelación[5].

Notes[editar | editar la fonte]

  1. Dorothea Lange Nacida en Hoboken, New Jersey, Dorothea Lange (1895–1965) anunció la so intención de convertise en fotógrafa a la edá de 18 años. Depués de trabayar como aprendiz con un fotógrafu na ciudá de Nueva York, treslladóse a San Francisco y en 1919 creo'l so propiu estudiu. Publicao en [[NARA]. Fecha d'accesu na versión inglesa 29.06.2008
  2. Madre Migrante: La verdadera historia
  3. Dunne, Geoffrey: "Photographic license" [1], New Times, 2002
  4. Civil Control Station, Registration for evacuation and processing. San Francisco, Abril de 1942. War Relocation Authority, Photo By Dorothea Lange,From the National Archive and Records Administration taken for the War Relocation Authority courtesy of the Bancroft Library, U.C. Berkeley, California. Publicáu n'Image and Imagination, Encounters with the Photography of Dorothea Lange, Editáu por Ben Clarke, Freedom Voices, San Francisco, 1997.
  5. Davidov, Judith Fryer. Women's Camera Work. 1998, page 280